CTET Result जाहीर, ३ लाख ६६ हजारांहून अधिक उमेदवार उत्तीर्ण !
CBSE CTET Results 2024 :
केंद्रीय माध्यमिक शिक्षण मंडळातर्फे (सीबीएसई) केंद्रीय शिक्षक पात्रता परीक्षा (सीटीईटी) ७ जुलैला घेण्यात आली होती
केंद्रीय माध्यमिक शिक्षण मंडळाने (CBSE) जुलै २०२४ मध्ये घेण्यात आलेल्या CTET परीक्षेचा निकाल जाहीर केला आहे. सीटीईटीच्या अधिकृत वेबसाइट ctet.nic.in वर जाऊन परीक्षार्थी त्यांचा निकाल पाहू शकतात. या निकालासोबत अंतिम एन्सर की देखील प्रसिद्ध केली आहे. २४ जुलैला सीबीएसईने केंद्रीय शिक्षक पात्रता परीक्षा (CTET) 2024 ची तात्पुरती उत्तरतालिका (CTET Answer key) प्रसिद्ध केली होती. उत्तरतालिका प्रसिद्ध झाल्यानंतर परीक्षार्थींना त्यांचे आक्षेप नोंदविण्यास वेळ देण्यात आला होता. अखेर आज (१ ऑगस्ट) रोजी सीबीएसईने सीटीईटीचा निकाल प्रसिद्ध केला.
केंद्रीय माध्यमिक शिक्षण मंडळातर्फे (सीबीएसई) केंद्रीय शिक्षक पात्रता परीक्षा (सीटीईटी) ७ जुलैला घेण्यात आली होती. गुणवत्तापूर्ण शिक्षणासाठी राष्ट्रीय शिक्षक शिक्षण परिषदेच्या (एनसीटीई) निर्णयानुसार पहिली ते आठवीच्या वर्गांना शिकवण्यासाठी टीईटी परीक्षा उत्तीर्ण होणे अनिवार्य आहे. केंद्रीय स्तरावर सीबीएसईकडून सीटीईटी आयोजित केली जाते. उमेदवारांना परीक्षा देण्यासाठी २० भाषांचा पर्याय उपलब्ध होता.
DigiLocker वर मार्कशीट उपलब्ध-
CBSE बोर्ड CTET परीक्षेत बसलेल्या सर्व उमेदवारांची DigiLocker खाती तयार करणार आहे. त्यानंतर उमेदवारांच्या नोंदणीकृत मोबाईल नंबरवर लॉगिन तपशील शेअर करण्यात येणार आहे. तसेच CTET मार्कशीट उमेदवारांच्या डिजीलॉकर खात्यावर डिजिटल स्वरूपात अपलोड केली जाणार आहे.
How to download CBSE CTET Result 2024| सीटीईटी २०२४ चा निकाल कसा पाहावा?
- पहिल्यांदा CTET च्या अधिकृत वेबसाईटवर जावा- ctet.nic.in
- त्यानंतर होमपेजवर असणाऱ्या CTET July 2024 Result या लिंकवर क्लिक करावे.
- त्यानंतर उघडलेल्या पेजवर परीक्षार्थी त्यांचा परीक्षा क्रमांक टाकू शकतो.
पुढे निकाल दिसेल. - त्यानंतर निकाल तुमचाच आहे का हे तपासा.
- त्यानंतर निकालाची प्रिंट डाउनलोड करा.
