नाशिक करन्सी नोट प्रेसमध्ये नोकरीची संधी!
CNP Nashik Recruitment 2024 : नाशिक करन्सी नोट प्रेसमध्ये नोकरीची संधी उपलब्ध आहे. नेमकी कोणत्या पदावर भरती सुरू आहे जाणून घ्या. नाशिकमधील करन्सी नोट प्रेसमध्ये सध्या चिकित्सा अधिकारी [Medical Officer] या रिक्त पदावर भरती होत आहे. एकूण किती जागांवर भरती होणार आहे, तसेच या पदासाठी पात्रता निकष काय असतील हे जाणून घ्या. चिकित्सा अधिकारी या पदावर नोकरी करण्यास इच्छुक असणाऱ्या उमेदवाराने अर्जाची अंतिम तारीख पाहा.
रिक्त पदे आणि पदसंख्या : चिकित्सा अधिकारी या पदासाठी एकूण तीन जागांवर भरती करण्यात येणार आहे.
शैक्षणिक पात्रता : चिकित्सा अधिकारी या पदासाठी इच्छुक उमेदवाराकडे कोणत्याही मान्यताप्राप्त विद्यापीठामधून एम.बी.बी.एस. क्षेत्रातील पदवी असणे आवश्यक आहे.
वेतन : चिकित्सा अधिकारी या पदावर उमेदवाराची निवड झाल्यानंतर त्या उमेदवारास ५५,०००/- रुपये ते ७५,००० रुपये इतके वेतन दिले जाईल.
करन्सी नोट प्रेस – नाशिक अधिकृत वेबसाईट – https://cnpnashik.spmcil.com/en
अर्ज प्रक्रिया
चिकित्सा अधिकारी या पदावर नोकरी करण्यास इच्छुक असणाऱ्या उमेदवारांनी, ऑफलाइन पद्धतीने अर्ज करायचा आहे.
तसेच अर्ज हा मुलाखतीद्वारे घेण्यात येणार आहे. म्हणजेच अर्ज हा वॉक इन इंटरव्ह्यूदरम्यान भरायचा आहे.
त्यामुळे इच्छुक उमेदवाराने अर्ज भरण्याआधी नोकरीसंदर्भातील अधिसूचना व्यवस्थित वाचावी.
वॉक इन इंटरव्ह्यूसाठी जाताना उमेदवाराने सर्व आवश्यक ती कागदपत्रे अर्जासह जोडणे अनिवार्य आहे.
तसेच मुलाखतीला जाताना स्वतःचे ओळखपत्र सोबत ठेवावे.
अर्ज – मुलाखतीची अंतिम तारीख ही २३ मार्च २०२४ अशी आहे.
‘चिकित्सा अधिकारी’ या पदासाठी अर्ज घेऊन मुलाखतीसाठी कुठे आणि किती वाजता जायचे आहे, या संदर्भातील सविस्तर माहिती नोकरीच्या अधिसूचनेत वाचावी. तसेच या नोकरीसंदर्भात अधिक माहिती हवी असल्यास करन्सी नोट प्रेस – नाशिकच्या अधिकृत वेबसाईटला भेट द्यावी. अधिकृत वेबसाईट तसेच नोकरीची अधिसूचना वर नमूद केलेली आहे.
