१० वी उत्तीर्ण असलेल्या उमेदवारांसाठी सरकारी नोकरीची सुवर्णसंधी!
Department of Town Planning and Valuation Recruitment 2024 :
महाराष्ट्रात डिपार्टमेंट ऑफ टाऊन प्लॅनिंग अँड व्हॅल्युएशन येथे रचना सहाय्यक, लोअर ग्रेड स्टेनोग्राफर, हायर ग्रेड स्टेनोग्राफर या पदांच्या एकूण २८९ जागा रिक्त आहेत. ही रिक्त पदे भरण्यासाठी टाऊन प्लॅनिंग अँड व्हॅल्युएशन विभागातर्फे भरती सुरू करण्यात आली आहे. १० वी उत्तीर्ण असलेल्या तसेच अभियांत्रिकीचे शिक्षण घेतलेल्या उमेदवारांसाठी ही भरती उपयुक्त ठरू शकते. १ लाख ३२ हजार ३०० रुपयांपर्यंत मिळणार वेतन, अधिक वाचा.
महाराष्ट्र राज्याच्या डीटीपी विभागात म्हणजेच नगर रचना आणि मूल्यनिर्धारण संचालनालयात येथे भरती जाहीर करण्यात आली आहे. ही भरती एकूण २८९ रिक्त पदे भरण्यासाठी जाहीर करण्यात आली आहे. २८९ पदांचे विभागणी खास करून तीन पदांमध्ये करण्यात आलेली आहे.
DTP, Vacant Seats: पद आणि त्यानुसार असलेल्या रिक्त जागा-
रचना सहाय्यक – २६१ रिक्त जागा
निम्नश्रेणी लघुलेखक (लोअर ग्रेड स्टेनोग्राफर) – १९ रिक्त जागा
उच्चश्रेणी लघुलेखक (हायर ग्रेड स्टेनोग्राफर) – ९ रिक्त जागा
पद आणि त्यानुसार दिले जाणारे वेतन-
१. रचना सहाय्यक- ३८,६०० ते १,२२,८००/-
२. निम्नश्रेणी लघुलेखक (लोअर ग्रेड स्टेनोग्राफर) – ३८,६००/- ते १,२२,८००/-
३. उच्चश्रेणी लघुलेखक (हायर ग्रेड स्टेनोग्राफर) – ४१,८००/- ते १,३२,३००/-
पद आणि त्यानुसार शैक्षणिक पात्रता
- रचना सहाय्यक
- सिव्हिल इंजिनिअरिंग पदवी
- सिव्हिल अँड रुरल इंजिनिअरिंग पदवी
- आर्किटेक्चर पदवी
- कन्स्ट्रक्शन टेक्नॉलॉजी पदवी
निम्नश्रेणी लघुलेखक (लोअर ग्रेड स्टेनोग्राफर)
- दहावी उत्तीर्ण असणे आवश्यक
- लघुलेखनाचा वेग किमान १०० शब्द प्रति मिनिट
- इंग्रजी टायपिंग वेग किमान ४० शब्द प्रति मिनिट
- मराठी टायपिंग वेग किमान ३० शब्द प्रति मिनिट
उच्चश्रेणी लघुलेखक (हायर ग्रेड स्टेनोग्राफर)
- दहावी उत्तीर्ण असणे आवश्यक
- लघुलेखनाचा वेग किमान १२० शब्द प्रति मिनिट
- इंग्रजी टायपिंग वेग किमान ४० शब्द प्रति मिनिट
- मराठी टायपिंग वेग किमान ३० शब्द प्रति मिनिट
वयोमर्यादा- महाराष्ट्राच्या टाऊन प्लॅनिंग अँड व्हॅल्युएशन डिपार्टमेंट सोबत रचना सहाय्यक लोअर ग्रेड स्टेनोग्राफर किंवा हायर ग्रेड स्टेनोग्राफर या पदांसाठी अर्ज करण्यासाठी उमेदवाराचे वय हे वय वर्ष १८ ते ३८ वर्षे यादरम्यान असावे. मागासवर्गीय उमेदवारांना वयोमर्यादेत ५ वर्षांची अधिक सूट देण्यात येईल.
सदर पदांसाठी अर्ज करण्यासाठी उमेदवारांना ऑनलाइन पद्धतीचा वापर करायचा आहे ही अर्ज प्रक्रिया दिनांक ३० जुलै२०२४ पासून सुरू झाली आहे. इच्छुक उमेदवारांना २९ ऑगस्ट २०२४ पर्यंत त्यांचे अर्ज सादर करण्यासाठी मुदत देण्यात आली आहे. खुल्या वर्गातील उमेदवारांना १०००/- इतके अर्ज शुल्क लागू होईल तर आरक्षित वर्गातील उमेदवारांना ९००/- इतके अर्ज शुल्क भरावे लागेल. हे अर्ज शुल्क भरण्यासाठी दिनांक ३० ऑगस्ट २०२४ ही शेवटची तारीख नेमून देण्यात आली आहे.
अर्ज भरल्यानंतर पुढे परीक्षेच्या माध्यमातून पात्र उमेदवारांची त्या त्या पदी नेमणूक केली जाईल. या भरती संदर्भातील तसेच महाराष्ट्राच्या डीटीपी विभाग संदर्भातील अधिक माहिती जाणून घेण्यासाठी त्यांच्या https://dtp.maharashtra.gov.in/,%20https://urban.maharashtra.gov.in/ या अधिकृत संकेतस्थळाला भेट देता येईल
