केंद्र सरकारने जाहीर केलेल्या अग्निपथ योजनेला देशातून मोठ्या प्रमाणात विरोध करण्यात येत आहे. देशभरातील तरुण आक्रमक झाले असून रसत्यावर उतरत निर्देशने करत आहेत. तर दुसरीकडे भारतीय हवाई दल विभागाने या योजनेअंतर्गत भरती प्रक्रियेला सुरुवात केली आहे. तरुणांचा या भरतीला मोठा प्रतिसाद असून केवळ ३ दिवसांमध्ये ५६ हजारापेक्षा अधिक अर्ज दाखल झाले आहेत.
शैक्षणिक अटी व शर्तींची पुर्तता करणाऱ्या उमेदवारांना अर्ज करता येईल. अर्ज करणाऱ्या उमेदवारांना दहावी- बारावीची गुणपत्रिका किंवा तीन वर्ष अभियांत्रिकी पदविका अभ्यासक्रमाचे अंतिम वर्षाची गुणपत्रिका किंवा दोन वर्ष वोकेशनल कोर्सची गुणपत्रिका, नॉन वोकेशनल कोर्स विषय (इंग्‍लिश, भौतिकशास्‍त्र, गणित) असे विषय असणे अनिवार्य असेल. २९ डिसेंबर १९९९ ते २९ जून २००५ दरम्यान जन्‍मलेले उमेदवार अर्ज करू शकतील. उंची कमीत कमी १५२. ५ सेंटीमीटर असावी. छाती कमीत- कमी ५ सेंटीमीटर फुगवता आली पाहिजे. तसेच वैद्यकीयदृष्टया सक्षम असणे आवश्यक आहे. इच्‍छुकांना ५ जुलैच्या सायंकाळी पाचपर्यंत http://agnipathvayu.cdac.in या संकेतस्थळावर ऑनलाइन पद्धतीने अर्ज करता येईल. अधिक माहितीसाठी भारतीय वायूसेनेच्या अधिकृत संकेतस्थळ http://agnipathvayu.cdac.in किंवा http://indianairforce.nic.in या संकेतस्‍थळाला भेट देता येईल.
अग्निपथ योजनेअंतर्गत हवाई दलाकडून २४ जून २०२२ रोजी अधिसूचना जारी करण्यात आली होती. त्यानुसार हवाई दलात नोंदणी प्रक्रियेला सुरुवात झाली असून अर्ज करण्याची शेवटची तारीख ५ जुलै आहे. भरतीसाठी इच्छुक असणाऱ्या युवकांना careerindianairforce.cdac.in या संकेतस्थळावर ऑनलाइन अर्ज करण्याचे आवाहन हवाई दलाकडून करण्यात आले आहे.
चार वर्षांसाठी अग्निविरांची भरती
अग्निपथ योजनेअंतर्गत १७ ते २१ वर्षाच्या तरुणांना चार वर्षाच्या सेवेसाठी भारतीय लष्करात दाखल केले जाईल. चार वर्षानंतर २५ टक्के अग्निविरांना नियमित सेवेत दाखल केले जाणार आहे. चार वर्षांच्या सेवेनंतर बाहेर पडणाऱ्या अग्निविरांना केंद्रीय सशस्त्र दल तसंच आसाम रायफल्समध्ये प्राथमिकता दिली जाणार आहे. भाजपाशासित उत्तर प्रदेश, मध्य प्रदेशसारख्या राज्यांनी राज्य पोलीस दलात प्राधान्य दिलं जाईल असं स्पष्ट केलं आहे. तसेच द्योजकांनीदेखील अग्निवीरांना नोकरीत प्राधान्य देण्याची घोषणा केली आहे.
IAF Agneepath Bharti 2022 – भारतीय हवाई दल, आयएएफ अग्निपथ भरती २०२२ ची (Indian Air Force, IAF Agneepath Recruitment 2022) अधिसूचना २० जून २०२२ रोजी ऑनलाइन प्रसिद्ध करण्यात आली आहे. अग्निपथ भरती नियमांनुसार, भावी अग्निवीर २४ जून २०२२ पासून आयएएफसाठी अर्ज करू शकतात. हे करण्यासाठी, त्यांना अधिकृत वेबसाइट indianairforce.nic.in, agnipathvayu.cdac.in. भेट द्यावी लागेल. पात्रता, महत्त्वाच्या तारखा आणि इतर तपशील जाणून घ्या.
आयएएफ अग्निपथ भरती २०२२ नोंदणी फक्त ऑनलाइन केली जाईल. अधिसूचनेनुसार, अग्निपथ नोकऱ्यांसाठी अर्ज करण्याची शेवटची तारीख ५ जुलै २०२२ आहे. एकदा अर्ज भरल्यानंतर, सर्व नोंदणीकृत उमेदवार जुलैच्या शेवटच्या आठवड्यात होणाऱ्या परीक्षेला बसू शकतील.
