IT Company Recruitment 2021

TCS ची मोठी घोषणा !! 40 हजारांहून अधिक फ्रेशर्सला नोकरीची संधी !!

IT Company Recruitment 2021 – India’s biggest IT services company Tata Consultancy Services or TCS will be hiring over 40,000 freshers from campuses in India in the fiscal year 2021-22.

देशातील दुसर्‍या क्रमांकाची आयटी कंपनी टीसीएसने मोठी घोषणा केलीय. चालू आर्थिक वर्षात टीसीएस महाविद्यालयाच्या परिसरातून 40 हजारांहून अधिक फ्रेशर्स भरणार आहे. टाटा कन्सल्टन्सी सर्व्हिसेस सध्या खासगी क्षेत्रातील देशातील सर्वात मोठी मालक कंपनी आहे. कंपनीच्या एकूण कर्मचार्‍यांची संख्या 5 लाखांहून अधिक आहे. मागील वर्षीही कंपनीने कॅम्पसमध्ये 40 हजार फ्रेशर्स घेतले होते. कंपनीचे ग्लोबल ह्युमन रिसोर्सचे चीफ मिलिंद लकड म्हणाले की, यंदा हे काम आणखी चांगले होणार आहे.

नफ्यात प्रचंड उसळी

देशातील सर्वात मोठी सॉफ्टवेअर कंपनी टीसीएसने चालू आर्थिक वर्ष 2021-22 च्या पहिल्या तिमाहीत जबरदस्त नफा कमावला. एप्रिल ते जून या कालावधीत कंपनीचा नफा 28.5 टक्क्यांनी वाढून 9,008 कोटी रुपये झाला. यापूर्वी 2020-21 या आर्थिक वर्षाच्या याच तिमाहीत कंपनीला 7,008 कोटी रुपयांचा नफा झाला होता. चालू आर्थिक वर्षाच्या पहिल्या तिमाहीत कंपनीचे एकत्रित उत्पन्नही 18.5 टक्क्यांनी वाढून 45,411 कोटी रुपये झाले.

नोकरी देण्याची प्रक्रिया खूप लांब असते

लक्कड म्हणाले की, नोकरी देण्याची प्रक्रिया खूप लांब असते. असे नाही की कंपनीला प्रोजेक्ट मिळाल्यानंतर हायरिंगची प्रक्रिया सुरू होईल. जर एखाद्याची हायरिंग केल्यास त्याला किमान तीन महिने लागतात, त्यानंतरच तो प्रोजेक्टमध्ये काम करण्यास सुरुवात करतो. कंपनीचे मुख्य कार्यकारी अधिकारी एन. गणपती सुब्रमण्यम म्हणाले की, आपल्या देशात कौशल्याची कमतरता नाही, यासह त्यांनी खर्चाचा मुद्दाही नाकारला.


नोकरी शोधणाऱ्यांना यंदा भरपूर संधी उपलब्ध होणार ! 60 टक्के कंपन्या नोकरभरतीच्या तयारी

IT Company Recruitment 2021 – Good news for those who are unemployed or looking for a job alert when there is an atmosphere of COVID. This year, 60 per cent of companies will offer opportunities to young people for new jobs. This has become clear in a survey. In the first wave of corona, many jobs were lost in 2020, and salaries were cut. But once again this year, various companies are preparing for recruitment. 60 percent of companies are keen to hire young people.

कोरोनाचा प्रादुर्भाव रोखण्यासाठी गेल्या सव्वा वर्षांत अनेकदा कठोर निर्बंध लादले गेले. त्याचा फटका उद्योग जगताला बसला. लाखो लोकांच्या नोकऱ्या गेल्या. अनेकांना पगार कपात सहन करावी लागली. मात्र आता नोकरी शोधणाऱ्यांना संधी उपलब्ध होणार आहेत. या वर्षात ६० टक्के कंपन्या भरती प्रक्रिया राबवणार आहेत. त्यामुळे अनेकांना रोजगार मिळेल. व्हर्च्युअल माध्यमातून मुलाखती घेत अनेक कंपन्यांनी एप्रिल, मे पासूनच भरती प्रक्रिया सुरू केली. आता जुलैपासून भरती प्रक्रिया अधिक वेगानं राबवण्यात येणार आहे.

अनेक कंपन्या नव्या जागा भरणार 

मर्सर मेट्टलच्या रिपोर्टनुसार, कोरोनाकाळात आता अनेक कंपन्या नव्या जागा भरणार आहेत. आम्हाला प्रतिभाशाली युवकांची गरज असून आम्ही जागा भरणार आहोत, असं 60 टक्के कंपन्यांनी म्हटलं आहे.

व्हर्चुअल हायरिंग

येत्या काळात नियुक्तीची सर्व प्रक्रिया ऑनलाईन पद्धतीनेच होणार आहे. कारण सर्व्हेत सहभागी सर्वांनी कोरोना महामारीच्या काळात डिजीटल माध्यमांचा अधिक वापर केल्याचं म्हटलं. त्यामुळे येत्या काळात नियुक्तीची प्रक्रिया ऑनलाईनच असेल असं कंपन्यांचं म्हणणं आहे. इतकंच नाही तर 81 टक्के कंपन्यांनी व्हर्चुअल हायरिंग केल्याचं नमूद केलं आहे.

ऑफलाईन ते ऑनलाईन

बहुसंख्य कंपन्या कोरोनाकाळात ऑफलाईनवर ऑनलाईनमध्ये शिफ्ट झाल्या. त्याचा बराच फायदा झाल्याचं या कंपन्यांनी म्हटलं आहे. Mercer Mettlच्या सर्वेक्षणानुसार भविष्यात कंपन्या व्हर्च्युअल हायरिंगला प्राधान्य देतील. लॉकडाऊन काळात जवळपास ८१ टक्के कंपन्या कर्मचारी भरतीसाठी व्हर्च्युअल प्लॅटफॉर्मचा वापर करत आहेत. जुलै ते सप्टेंबर या कालावधीत कर्मचारी भरतीचा वेग स्थिर असेल, असं सर्वेक्षण अहवाल सांगतो.


IT Company Recruitment 2021– According to a survey in India, there will be increase in workforce by 2021 in Big Companies Like Wipro, TCS, Infosys and HCL. Despite the Corona epidemic, these companies are going to increase their workforce in 2021. Read More details at below:

कोरोनाच्या महामारीमुळे २०२० हे वर्ष नोकरदार वर्गासाठी अतिशय वाईट ठरलं असलं तरी २०२१ या वर्षात तरुणाईसाठी नोकऱ्यांची कमतरता भासणार नाही. कोरोना महामारीमुळे गेल्या वर्षी रोजगारात घट आणि अनेकांच्या नोकऱ्या गेल्या असल्या तरी २०२१ या वर्षात बड्या कंपन्यांनी आपल्या कर्मचारी संख्येत वाढ करण्याची तयारी दाखवली आहे.

IT Company Recruitment 2021

भारतात एका सर्वेक्षणानुसार ५३ टक्के कंपन्यांनी २०२१ या वर्षात कर्मचारी संख्येत वाढ करणार असल्याचं जाहीर केलं आहे. यातील ७४ टक्के कंपन्यांनी आपल्या कर्मचारी संख्येत तब्बल १४ टक्क्यांनी वाढ करणार असल्याचं सांगितलं आहे. कोरोनामुळे २०२० या वर्षात नव्या नोकरींच्या संख्येत १८ टक्क्यांची घट झाली होती. पण त्याचवेळी मेडिकल आणि आरोग्यसेवा क्षेत्रातील कंपन्यांमध्ये उल्लेखनीय वाढ झाल्याचं पाहायला मिळालं आहे.

आरोग्य क्षेत्रासोबतच इंटरनेटवर आधारित सेवा क्षेत्रांमध्ये जसं की ई-कॉमर्स आणि शिक्षण क्षेत्रात मागणी वाढली आहे. या क्षेत्रांमध्ये या वर्षात मोठी भरती केली जाऊ शकते.  मायकल पेज इंडियाच्या सर्वेक्षणानुसार २०२१ या वर्षात अनेक कंपन्यांनी आपल्या कर्मचाऱ्यांच्या पगारातही वाढ करण्याची तयारी दाखवली आहे. भारतातील ६० टक्के कंपन्यांनी पगार आणि बोनस देण्याची तयारी असल्याचं म्हटलंय. विशेष म्हणजे, यातील ४३ टक्के कंपन्यांचा कर्मचाऱ्यांना एका महिन्याचा पगार बोनस म्हणून देण्याचा विचार सुरू केला आहे .

भारतात अॅडव्हांस टेक्नोलॉजीच्या माध्यमातून सॉफ्टवेअर मॅनेजमेंट, गेमिंग आणि आयटी क्षेत्रात तेजी आल्याचं पाहायला मिळत आहे. त्यामुळे या क्षेत्रातही रोजगारात वाढ होणार आहे.

आरोग्य क्षेत्रात यंदाच्या वर्षात सर्वाधिक पगारवाढ होण्याची शक्यता आहे. तर त्यापाठोपाठ दैनंदिन गरजेच्या वस्तूंच्या निर्मिती क्षेत्रातील कंपन्यांमध्येही चांगली पगारवाढ अपेक्षित आहे. आयटी क्षेत्रातील देशातील सर्वात मोठ्या चार कंपन्यांमध्य नोकरभरती होणार आहे.

TCS, Infosys, HCL आणि Wipro कंपनीने ऑक्टोबर-डिसेंबत या तिमाहीत ३६,४८७ कर्मचाऱ्यांची भरती केली आहे. येत्या काळातही या कंपन्यांमध्ये मोठी भरती केली जाऊ शकते.  महत्वाची बाब म्हणजे, गेल्या वर्षीच्या शेवटच्या तिमाहीत या चारही कंपन्यांनी केवळ १०,८२० कर्मचाऱ्यांची भरती केली होती. या तुलनेत यंदाच्या तिमाहीत नोकरभरतीत तब्बल २४० टक्के वाढ नोंदविण्यात आली आहे.

आयटी क्षेत्रातील चारही बड्या कंपन्यांकडून रोजगार वाढीचे प्रमाण असेच वाढत राहिले तर २०२१-२२ या आर्थिक वर्षात या क्षेत्रात तब्बल ९१ हजार नवी नोकरभरती होऊ शकते.

Leave a Comment