NEET PG ‘ प्रवेशप्रक्रिया २१ नोव्हेंबर पासून सुरु होणार !
NEET PG Admission 2024 : राष्ट्रीय स्तरावरील मेडिकल कौन्सिलिंग कमिटीने वेळापत्रक प्रसिद्ध केले होते. त्यानंतर, राज्याकरिता सीईटी सेलने वेळापत्रक जाहीर केले. मेडिकल कॉलेजांमधील पदव्युत्तर मेडिकल अभ्यासक्रमांमध्ये उपलब्ध असलेल्या जागांची यादी २१ नोव्हेंबर रोजी जाहीर केली जाईल. प्रवेशाकरिता नोंदणी केलेल्या विद्यार्थ्यांची साधी यादी आणि गुणवत्तेनुसार यादी २२ नोव्हेंबरला प्रकाशित केली जाणार आहे. या यादीत स्थान असलेल्या विद्याथ्यांना २३ ते २५ नोव्हेंबरदरम्यान आपले पसंतीक्रम भरावयाचे आहेत
राज्यातील मेडिकल पदव्युत्तर कॉलेजांमधील प्रवेशांसाठीचे वेळापत्रक सीईटी सेलने प्रसिद्ध केले आहे. मतदानाच्या दुसऱ्याच दिवशी म्हणजे २१ नोव्हेंबरपासून या प्रवेशप्रक्रियेला प्रारंभ होणार आहे. नीट-पीजी परीक्षा उत्तीर्ण केलेल्या विद्यार्थ्यांना या प्रक्रियेद्वारे कॉलेजांचे पसंतीक्रम भरता येणार आहेत.
राष्ट्रीय स्तरावरील मेडिकल कौन्सिलिंग कमिटीने वेळापत्रक प्रसिद्ध केले होते. त्यानंतर, राज्याकरिता सीईटी सेलने वेळापत्रक जाहीर केले. मेडिकल कॉलेजांमधील पदव्युत्तर मेडिकल अभ्यासक्रमांमध्ये उपलब्ध असलेल्या जागांची यादी २१ नोव्हेंबर रोजी जाहीर केली जाईल. प्रवेशाकरिता नोंदणी केलेल्या विद्यार्थ्यांची साधी यादी आणि गुणवत्तेनुसार यादी २२ नोव्हेंबरला प्रकाशित केली जाणार आहे. या यादीत स्थान असलेल्या विद्याथ्यांना २३ ते २५ नोव्हेंबरदरम्यान आपले पसंतीक्रम भरावयाचे आहेत. पहिली निवडयादी २८ नोव्हेंबर रोजी प्रसिद्ध करण्यात येईल. निवड झालेल्या विद्यार्थ्यांना २९ नोव्हेंबर ते ३ डिसेंबर या कालावधीत आपले प्रवेश निश्चित करता येतील.
असे असेल वेळापत्रक-
प्रवेशांची दुसरी फेरी १६ डिसेंबरपासून सुरू होईल. प्रथम फेरीत निवड झालेल्या पण प्रवेश न घेतलेल्या विद्यार्थ्यांना आपले पसंतीक्रम या दिवशी रद्द करता येईल. २८ डिसेंबरपर्यंत दुसरी फेरी चालेल. दरम्यान, २० डिसेंबरपासून पदव्युत्तर अभ्यासक्रमांच्या नव्या सत्राला प्रारंभ होणार आहे. प्रवेशांची तिसरी फेरी ३ जानेवारी ते १८ जानेवारीपर्यंत राबविली जाईल. या तिन्ही फेऱ्यांमध्ये प्रवेश न घेतलेल्या विद्यार्थ्यांसाठी आणखी प्रवेशफेऱ्या घेण्यात येतील. त्यांचे वेळापत्रक पुढील काळात जाहीर केले जाणार असल्याचे सीईटी सेलने जाहीर केले आहे.
