पुणे विद्यापीठाच्या भावी कुलसचिवाचे निलंबन !
Savitribai Phule Pune University :सावित्रीबाई फुले पुणे विद्यापीठाने कुलसचिव पदासाठी निवडलेल्या ठराविक प्राध्यापक व्यक्तीला, ते काम करीत असलेल्या शिक्षणसंस्थेनेच शुक्रवारी रात्री निलंबित केले. या निलंबनाचे पत्र समाजमाध्यमावर व्हायरल झाले आहे. त्यामुळे पुणे विद्यापीठाच्या प्रशासनाला नव्याने कुलसचिव पदासाठी जाहीरात काढून, योग्य आणि पात्र व्यक्तीची निवड करावी लागणार आहे. ही प्रक्रिया तातडीने राबवून केवळ शैक्षणिक गुणवत्ता आणि प्रशासनात काम करण्याचा अनुभव असणाऱ्या व्यक्तीलाच कुलसचिव म्हणून निवडण्याची मागणी पुढे आली आहे.
पुणे विद्यापी ठाच्या निवड समितीने कुलसचिव पदासाठी निवड प्रक्रिया राबवून, नामांकीत कॉलेजातील ठराविक व्यक्तीची निवड करण्याचा निर्णय घेतला. मात्र, संबंधित व्यक्तीची निवड जाहीर होण्यापूर्वीच, त्याचे नाव बाहेर आले. संबंधित व्यक्तीच्या विरोधात महिलांनी तक्रारी केल्या होत्या; तसेच या तक्रारींच्या आधारे अनुसूचित जाती आयोगाने संबंधित सुचनांच्या आधारे कारवाई करण्याचे शिक्षणसंस्थेले सुचविले होते. या पार्श्वभूमीवर विविध संघटनांनी संबंधित व्यक्तीच्या कुलसचिव निवडीला विरोध केला होता. हा संपूर्ण प्रकार बघता नामांकीत शिक्षणसंस्थेने संबंधित व्यक्तीला निलंबित केले असून, त्यांची चौकशी करण्याचे ठरविले आहे. चौकशी पूर्ण होईपर्यत संबंधित व्यक्ती निलंबित राहणार आहे. या परिस्थितीत संबंधित व्यक्ती कुलसचिव होऊ शकत नाही. मात्र, या कारवाईमुळे पुणे विद्यापीठाच्या प्रशासनाला नव्याने कुलसचिव निवड प्रक्रिया राबवावी लागणार आहे. पुणे विद्यापीठाचा एकूण कामाचा व्याप बघता ही प्रक्रिया तातडीने राबवून पूर्ण करण्याची मागणी पुढे आली आहे.
सावित्रीबाई फुले पुणे विद्यापीठाने कुलसचिव पदासाठी निवडलेल्या ठराविक प्राध्यापक व्यक्तीला, ते काम करीत असलेल्या शिक्षणसंस्थेनेच शुक्रवारी रात्री निलंबित केले. या निलंबनाचे पत्र समाजमाध्यमावर व्हायरल झाले आहे. त्यामुळे पुणे विद्यापीठाच्या प्रशासनाला नव्याने कुलसचिव पदासाठी जाहीरात काढून, योग्य आणि पात्र व्यक्तीची निवड करावी लागणार आहे. ही प्रक्रिया तातडीने राबवून केवळ शैक्षणिक गुणवत्ता आणि प्रशासनात काम करण्याचा अनुभव असणाऱ्या व्यक्तीलाच कुलसचिव म्हणून निवडण्याची मागणी पुढे आली आहे.
पुणे विद्यापीठाच्या निवड समितीने कुलसचिव पदासाठी निवड प्रक्रिया राबवून, नामांकीत कॉलेजातील ठराविक व्यक्तीची निवड करण्याचा निर्णय घेतला. मात्र, संबंधित व्यक्तीची निवड जाहीर होण्यापूर्वीच, त्याचे नाव बाहेर आले. संबंधित व्यक्तीच्या विरोधात महिलांनी तक्रारी केल्या होत्या; तसेच या तक्रारींच्या आधारे अनुसूचित जाती आयोगाने संबंधित सुचनांच्या आधारे कारवाई करण्याचे शिक्षणसंस्थेले सुचविले होते. या पार्श्वभूमीवर विविध संघटनांनी संबंधित व्यक्तीच्या कुलसचिव निवडीला विरोध केला होता. हा संपूर्ण प्रकार बघता नामांकीत शिक्षणसंस्थेने संबंधित व्यक्तीला निलंबित केले असून, त्यांची चौकशी करण्याचे ठरविले आहे. चौकशी पूर्ण होईपर्यत संबंधित व्यक्ती निलंबित राहणार आहे. या परिस्थितीत संबंधित व्यक्ती कुलसचिव होऊ शकत नाही. मात्र, या कारवाईमुळे पुणे विद्यापीठाच्या प्रशासनाला नव्याने कुलसचिव निवड प्रक्रिया राबवावी लागणार आहे. पुणे विद्यापीठाचा एकूण कामाचा व्याप बघता ही प्रक्रिया तातडीने राबवून पूर्ण करण्याची मागणी पुढे आली आहे.
पुणे विद्यापीठाचा कुलसचिवाची निवड पारदर्शक पद्धतीने झालेली असावी, ही प्रत्येकाची भावना होती. त्यामुळे कोणाच्याही विरोधात जाणीवपूर्वक आकस बाळगला नाही. निलंबन झालेल्या व्यक्तीची नियमाने कुलसचिवपदावर नियुक्ती होऊ शकत नाही. त्यामुळे आता पारदर्शक निवड पद्धतीने आलेल्या नव्या कुलसचिवांचे स्वागत करू, असे स्टुडंट हेल्पिंग हँडसचे अध्यक्ष अॅड. कुलदीप आंबेकर यांनी सांगितले. सध्याच्या प्रभारी कुलसचिवांकडे इतर विभागांचाही कार्यभार असल्याने, त्यांना प्रशाकीय कामकाजासाठी पूर्ण वेळ देता येत नाही. अशावेळी विद्यापीठाने तत्काळ कुलसचिव पदासाठी निवड प्रक्रिया राबवून पात्र व्यक्तीची कुलसचिवपदी निवड करावी. या प्रक्रियेसाठी वेळ वाया न घालवता तातडीने पावले उचवून, विद्यापीठाला पूर्णवेळ कुलसचिव द्यावा, असे माजी सिनेट सदस्य धनंजय कुलकर्णी यांनी सांगितले.
विद्यापीठ प्रशासनाने शहाणे व्हावे-
कुलसचिवपदी योग्य आणि कोणताही आरोप नसलेल्या व्यक्तीची निवड होणे अपेक्षित आहे. विद्यापीठाने माजी न्यायाधीशांच्या अध्यक्षतेखाली समिती स्थापन करून तक्रारदारांची सुनावणी घेतली. वादग्रस्त व्यक्तीसाठी समिती स्थापन करून विद्यापीठाने केलेला खटाटोप शंकास्पद होता. मात्र, तक्रारदारांच्या तक्रारींसाठी समिती स्थापन करून, विद्यापीठाला खर्च करावा लगला आहे. हा खर्च देण्याची आमची तयारी आहे. मात्र, विद्यापीठाच्या प्रशासनाने आतातरी शहाणे होत निवड प्रक्रिया पारदर्शक पद्धतीने राबवून तेथे योग्य आणि पात्र उमेदवाराची कुलसचिवपदी निवड करावी, अशी मागणी युवासेनेचे सहसचिव कल्पेश यादव यांनी विद्यापीठाकडे केली.
नव्या कुलसचिव निवड प्रक्रियेबाबत सोमवारी निर्णय-शिक्षणसंस्थेने संबंधित व्यक्तीला शुक्रवारी रात्री निलंबित केले. त्याबाबतचे पत्र शुक्रवारी रात्री व्हायरल झाले. दुसऱ्या दिवशी शनिवारी पुणे विद्यापीठाला प्रशासकीय सुट्टी असल्याने, या पत्राच्या अनुषंगाने कोणतीही कारवाई करता आली नाही. मात्र, उद्या सोमवारी कुलसचिव पदाची निवड प्रक्रिया नव्याने राबविण्याबाबत निर्णय होईल. त्यानंतर नव्याने जाहीरात प्रसिद्ध करण्यापासून कार्यवाही करण्यात येईल, अशी माहिती विद्यापीठाच्या प्रशासनाने दिली आहे.
