Arogya Vibhag Bharti 2021

Table of Contents

महत्वाचे – आरोग्य विभागा परीक्षा : वेळ पडली तर पुन्हा घेण्यात येतील परीक्षा !!

Arogya Vibhag Bharti 2021 – रविवारी (ता. २८) या एकाच दिवशी सकाळच्या सत्रात १४ संवर्गाची तर दुपारच्या सत्रात ४० संवर्गाची आरोग्य विभागातील रिक्त पदांसाठी परीक्षा घेण्यात आली. रविवारी झालेली ही आरोग्य विभागाची भरती खासगी एजन्सीच्या माध्यमातून घेतली.

रविवारी घेण्यात आलेल्या परीक्षेत राज्यभरात अनेक जिल्ह्यांमध्ये सामूहिक कॉपी, पेपर फुटणे, अर्धा ते दीड तास पेपर उशिरा मिळणे यासह अन्य कारणांनी गोंधळ झाला आहे. औरंगाबाद, नागपूर येथे परीक्षेपूर्वीच पेपर फुटेल, इलेक्ट्रॉनिक्स साधनांचा वापर करून परीक्षेत उत्तरे लिहिण्यात आली. मागील दोन वर्षापासून अभ्यास करणाऱ्या विद्यार्थ्यांवर अन्याय झाला आहे. त्यामुळे ही परीक्षा रद्द करून नव्याने महाराष्ट्र राज्य लोकसेवा आयोगातर्फे (एमपीएससी) परीक्षा घ्या, अशी मागणी उमेदवारांनी केली आहे.

अजित पवार म्हणाले, ‘‘आरोग्य विभागातील भरतीबाबतची चर्चा गेल्या दोन दिवसांपासून माझ्याही कानावर आली आहे. यासंदर्भात सार्वजनिक आरोग्य मंत्री राजेश टोपे यांच्याशी संपर्क साधला, पण तो कोरोनाने आजारी असल्याने ते सोमवारी (ता. ८) सभागृहात घेणार आहे. विनायक मेटे यांनी सभागृहात ज्या गोष्टी सांगितल्या आहेत. त्यात तथ्य आढळले तर त्यात राज्य सरकार हस्तक्षेप करेल. वेळ पडली तर पुरावे समोर आले तर या परीक्षा पुन्हा घेण्यात येतील. पण याचा अंतिम निर्णय सोमवारी घेण्यात येईल.’’


आरोग्य विभागातील 3,277 पदांसाठी आज  ऑफलाइन परीक्षा

Arogya Vibhag Bharti 2021 – The offline written test for a total of 3,277 posts of 54 cadres in the health department is being held on Sunday (28). As the examination is being held n Corona situation, candidates need to follow covid 19 Guidlines

आरोग्य विभागात 54 संवर्गांसाठी पदभरती

पुणे – राज्यात आरोग्य विभागातील 54 संवर्गांची एकूण 3 हजार 277 पदांसाठी ऑफलाइन लेखी परीक्षा रविवारी (दि.28) घेण्यात येत आहे. करोना परिस्थितीत परीक्षा होत असल्यामुळे प्रशासनाला आरोग्य भरतीबाबत सहकार्य करावे, असे आवाहन आरोग्य सेवेचे संचालक डॉ. अर्चना पाटील यांनी केले आहे.

गेल्याच आठवड्यात या परीक्षेसाठी उमदेवारांनी हॉलतिकीट डाऊनलोड केले. त्यात अनेक उमेदवारांना दूरच्या अंतरावरील परीक्षा केंद्र मिळाले होते. त्याच पद्धतीने दोन पदांसाठी स्वतंत्रपणे अर्ज केलेल्यांना एकाच दिवशी व एकाच वेळेस परीक्षेचे नियोजन करण्यात आल्याचे उघड झाले. त्यामुळे उमेदवारांमध्ये नाराजी होती. या पदभरतीत नियोजनाचा अभाव असल्याचे महाराष्ट्र नवनिर्माण विद्यार्थी सेनेचे शहराध्यक्ष कल्पेश यादव यांनी आरोग्य विभागास निदर्शनास आणून दिली. त्याबाबत त्वरित पाऊले उचलावीत, अशी मागणी त्यांनी केली. त्यास स्पष्टीकरण देताना आरोग्य विभागाने आपली भूमिका स्पष्ट केली.

ही परीक्षा ऑनलाइन पद्धतीने होणार होती. परंतु, शासनाने ही परीक्षा ऑफलाइन घेण्याचा निर्णय घेतला. ही परीक्षा सकाळ व दुपार असा दोन सत्रांमध्ये एकाच दिवशी घेण्यात येणार आहे. या परीक्षेसाठी 4 लाख 25 हजार अर्ज आले आहेत. प्रत्येक संवर्गासाठी वेगळी परीक्षा घेतल्यास त्यास एक वर्षापेक्षा जास्त कालावधी लागू शकतो. या सर्व बाबींचा विचार करता व करोना उपाययोजनांसाठी आरोग्य विभागामध्ये मनुष्यबळ उपलब्ध होणे आवश्‍यक असल्याने त्यादृष्टीने परीक्षेचे नियोजन करण्यात आल्याचे डॉ. पाटील यांनी स्पष्ट केले.

काही जिल्ह्यांमध्ये उपलब्ध बैठक क्षमतेपेक्षा जास्त उमेदवारांनी अर्ज केले आहेत. त्यामुळे त्या उमेदवारांना अन्य जिल्ह्यांत परीक्षेस बसण्यास हॉल तिकीट दिली आहे. करोनामुळे व्यक्‍तीमध्ये अंतर राखणे आवश्‍यक असल्याने उमेदवारांची बैठक क्षमतेप्रमाणात जागा उपलब्ध नसल्याने अन्य जिल्ह्यांत बैठक व्यवस्था करावी लागली. तसेच उमेदवारांना जवळच्या अंतरावरील परीक्षा केंद्र मिळण्यासाठी लिंक खुली केली आहे. त्यानुसार जवळचे परीक्षा केंद्र देण्याचा प्रयत्न राहील, असेही डॉ. पाटील यांनी म्हटले आहे.


राज्यात शासकीय वैद्यकीय महाविद्यालयात सरळसेवा भरतीतून १४ हजार ३३० पदे भरावयाची

Arogya Vibhag Bharti 2021 – In the state, 36 thousand 894 posts are to be filled in 18 government medical colleges including Nagpur Medical and Mayo, Pune, Mumbai, Aurangabad, Latur, Ambejogai, Yavatmal, Gondia, Akola, Miraj, Kolhapur, Nanded, Jalgaon, Baramati, Solapur, Chandrapur. Considering the number of  18 government medical colleges and hospitals in the state, about 42,890 posts have been sanctioned from the posts of superintendent to nurse. However, only 28 thousand 560 posts have been filled. Shocking information has come out that the remaining 14 thousand 330 posts are vacant. Read More deatils at below

राज्यात नागपुरातील मेडिकल आणि मेयोसह पुणे, मुंबई, औरंगाबाद, लातूर, अंबेजोगई, यवतमाळ, गोंदिया, अकोला, मीरज, कोल्हापूर, नांदेड, जळगाव, बारामती, सोलापूर, चंद्रपूर अशा १८ शासकीय वैद्यकीय महाविद्यालयात सरळसेवा भरतीतून ३६ हजार ८९४ पदे भरावयाची आहेत.

५ हजार ९९६ पदे पदोन्नतीच्या प्रक्रियेतून भरण्यासाठी मंजूर आहेत. अशी एकूण ४२ हजार ८९० पदे मंजूर आहेत. यापैकी सरळसेवा भरतीची केवळ २४ हजार ४५१ पदे भरलेली आहेत. तर पदोन्नतीद्वारे ४ हजार १०९ पदे भरली आहेत, अशी एकूण २८ हजार ५६० पदे भरली आहेत. उर्वरित १४ हजार ३३० पदे रिक्त आहेत.

१४ हजार ३३० पदे रिक्त

राज्यात कोरोनाविरुद्ध डॉक्टर, परिचारिकांपासून तर आरोग्य सेवा देणारे कर्मचारी युद्धातील सैन्याप्रमाणे लढत आहेत. मात्र, हे सैन्य तोकडे पडत आहे. राज्यात १८ शासकीय वैद्यकीय महाविद्यालय व रुग्णालयात खाटांची संख्या लक्षात घेता परिचर्यां संवर्गातील अधीक्षकपदापांसून तर अधिपरिचारिकांपर्यंतची सुमारे ४२ हजार ८९० पदे मंजूर आहेत. मात्र, यापैकी अवघी २८ हजार ५६० पदे भरली आहेत. उर्वरित १४ हजार ३३० पदे रिक्त असल्याची धक्कादायक माहिती पुढे आली आहे. कोरोना संकटाच्या काळात परिचर्या सेवेचे महत्त्व अधोरेखित झाले असताना पदांच्या तुटवड्याचा प्रश्न समोर उभा ठाकला आहे. मात्र, या तुटवड्याकडे गांभीर्याने लक्ष दिले नाही.

खाटांच्या तुलनेत संख्या तोकडी – 

राज्यातील १८ वैद्यकीय महाविद्यालयातील खाटांची संख्या १६ हजार ५०० इतकी आहे. खाटांच्या तुलनेत सर्व शासकीय वैद्यकीय महाविद्यालय व रुग्णालयांमध्ये सुमारे तीन रुग्णांच्या मागे एक असे परिचारिकांचे प्रमाण असावे, तर सुपर स्पेशालिटीमध्ये एका रुग्णाच्या मागे एक परिचारिका असे प्रमाण रुग्णसेवेदरम्यान असावे. या प्रमाणात परिचारिकांची संख्या मंजूर आहे. मात्र, ती पदे भरण्यात आली नाही. दिवसेंदिवस निवृत्त होणाऱ्या परिचारिकांची संख्या वाढत आहे. यावर तात्पुरती मलमपट्टी म्हणून कंत्राटीचे धोरण सरकारने राबवू नये.

राज्यसरकारने पुढील तीन वर्षात ११ हजार ३३० पदे भरण्यासंदर्भात प्रक्रिया सुरू करावी. परियर्चा संवर्गातील पदोन्नतीने भरण्यात येणारी १ हजार ८८७ तर सरळ सेवा भरतीने भरली जाणारी १२ हजार ४४३ पदे भरण्यात यावी. या मागणीचे निवेदन राज्याचे वैद्यकीय शिक्षण मंत्री अमित देशमुख यांच्याकडे सादर करण्यत आले आहे.
-त्रिशरण सहारे, अध्यक्ष -विदर्भ वैद्यकीय महाविद्यालय आरोग्य कर्मचारी संघटना, नागपूर.


भिवापूर तालुक्यातील आरोग्य विभागात तब्बल ५० टक्के पदे रिक्त

Arogya Vibhag Bharti 2021 – The prevalence of corona is increasing. Such patients need better health care. However, 50% posts are vacant in the health department of Bhivapur taluka. Due to insufficient manpower, the entire health system in the taluka are insufficient to provide health services. A rural hospital has been set up at Bhivapur in the taluka for further treatment. However, other important posts including medical officers are vacant in all the three places like primary health center, sub-center and rural hospital.

मनुष्यबळाअभावी तालुक्यातील संपूर्ण आरोग्य व्यवस्थाच ऑक्सिजनवर

कोरोनाचा प्रादुर्भाव वाढत आहे. अशात रुग्णांना चांगल्या आरोग्य सुविधा मिळणे गरजेचे आहे. मात्र भिवापूर तालुक्यातील आरोग्य विभागात तब्बल ५० टक्के पदे रिक्त आहेत. अपुऱ्या मनुष्यबळाअभावी तालुक्यातील संपूर्ण आरोग्य व्यवस्थाच ऑक्सिजनवर आहे.

तालुक्यात सोमनाळा, जवळी व नांद असे तीन प्राथिमक आरोग्य केंद्र असून, त्या अंतर्गत १९ आरोग्य उपकेंद्र आहेत. या केंद्र व उपकेंद्राच्या माध्यमातून तालुक्यातील ११० गावात प्राथमिकस्तरावरील आरोग्य सेवा पुरविली जाते. त्यापुढील उपचारासाठी तालुकास्तरावर भिवापूर येथे ग्रामीण रुग्णालयाची निर्मिती करण्यात आली आहे. मात्र प्राथमिक आरोग्य केंद्र, उपकेंद्र, ग्रामीण रुग्णालय अशा तिन्ही ठिकाणी वैद्यकीय अधिकाऱ्यांसह अन्य महत्त्वाची पदे रिक्त आहेत. त्यामुळे अपुऱ्या मनुष्यबळात प्रत्येक गावात आरोग्य सेवा कशी पोहचवायची?

‘गोल्डन अवर’मध्ये उपचार कसे करायचे? असे एक ना अनेक प्रश्न अनुत्तरित आहेत.

आरोग्य विभागांतर्गत तालुक्यात सहा वैद्यकीय अधिकाऱ्यांची पदे मंजूर असून, त्यापैकी चार पदे रिक्त आहेत. कनिष्ठ वैद्यकीय अधिकाऱ्यांचे पाचपैकी एक पद रिक्त आहे. आरोग्य सहायकाचे सहापैकी एक पद रिक्त, आरोग्य सहाय्यिका तीनपैकी दोन पदे रिक्त, आरोग्य सेविका (नियमित) २२ पैकी १५ पदे रिक्त, आरोग्य सेविका (कंत्राटी) १६ पैकी ८ पदे रिक्त, आरोग्य सेवक १९ पैकी ७ पदे रिक्त, औषधनिर्माण अधिकारी पाचपैकी दोन पदे रिक्त, प्रयोगशाळा तंत्रज्ञ तिन्ही पदे रिक्त, वाहन चालक (नियमित) तिन्ही पदे रिक्त, परिचर १७ पैकी ६ पदे रिक्त आहेत. एकंदरीत तालुक्यात आरोग्य विभागांतर्गत विविध १०० पदे मंजूर असताना केवळ ५२ पदे भरलेली आहेत. उर्वरित महत्त्वाची ४८ पदे रिक्त आहेत. तर कंत्राटी पदांमध्ये ३५ पैकी १४ पदे रिक्त आहेत.

रुग्णांवर कोरोना संसर्ग वाढत असताना त्यावर सर्वस्वी नियंत्रणात्मक महत्त्वाची जबाबदारी आरोग्य विभागावर आहे. येथील डॉक्टरांपासून आरोग्य सेवक व सेविका, परिचर आदी सारेच कर्मचारी ‘कोरोना योद्धा’ म्हणून कार्य करीत आहेत. लोकप्रतिनिधी व समाजसेवी संघटनांनी त्यांचा गौरवही केला. मात्र रिक्त पदांचा ‘बॅकलॉग’ दूर करण्यासाठी लोकप्रतिनिधींकडून प्रयत्न होताना दिसत नाही, ही शोकांतिका आहे.

सोमनाळा प्रा.आ. केंद्रात आरोग्याचे ‘वाजले बारा’

भिवापूरपासून अवघ्या ७ कि.मी. अंतरावर सोमनाळा येथे प्राथमिक आरोग्य केंद्र आहे. त्याअंतर्गत सात उपकेंद्र कार्यरत आहेत. मात्र येथे मनुष्यबळाअभावी आरोग्य व्यवस्थेचे बारा वाजले आहे. आरोग्य सहायकाचे दोनपैकी एक पद रिक्त आहे. आरोग्य सेविका आठपैकी चार पदे रिक्त, आरोग्य सेविका (कंत्राटी) सहापैकी तीन पदे रिक्त, आरोग्य सेवक सातपैकी तीन पदे रिक्त, प्रयोगशाळा तंत्रज्ञ व वाहन चालकाचे प्रत्येकी एकच पद मंजूर असून ते सुद्धा रिक्त आहे. परिचराचे पाचपैकी दोन पदे रिक्त आहेत.

जवळी केंद्रात पूर्णवेळ डाॅक्टर नाही

भिवापूरपासून १५ कि.मी. अंतरावरील जवळी आरोग्य केंद्रांतर्गत सहा आरोग्य उपकेंद्र आहेत. येथे वैद्यकीय अधिकाऱ्यांची दोन्ही पदे रिक्त आहेत. कनिष्ठ वैद्यकीय अधिकाऱ्याचे तीनपैकी एक पद रिक्त आहे. आरोग्य सेविका (नियमित) सातपैकी सहा पदे रिक्त आहेत. आरोग्य सेविका (कंत्राटी) पाचपैकी तीन पदे रिक्त, आरोग्य सेवक सहापैकी दोन पदे रिक्त, प्रयोगशाळा तंत्रज्ञ व वाहन चालकाचे प्रत्येकी मंजूर एक पद तेही रिक्त, परिचर सातपैकी दोन पदे रिक्त आहेत.

स्वच्छता कोण करणार?

तालुक्यात तीन प्राथमिक आरोग्य केंद्र व त्याअंतर्गत १९ उपकेंद्र आहेत. मात्र या ठिकाणची स्वच्छता ठेवण्यासाठी, दैनिक झाडूपोछा लावण्यासाठी सफाई कर्मचाऱ्याचे पदच नाही. त्यामुळे केंद्र व उपकेंद्रातील डॉक्टरांना आपल्या पद्धतीने येथील स्वच्छता सांभाळावी लागते. त्यासाठी गावातीलच एखाद्या व्यक्तीला अल्पशी मजुरी देऊन दैनिक स्वच्छता केली जाते. त्यांचे वेतन कोण कुठून देतात, हे त्यांनाच माहीत.


आरोग्य विभागाच्या पदभरती एकावेळ द्या दोन जिल्ह्यात परीक्षा?

Arogya Vibhag Bharti 2021 – Candidates who have applied for the examination to fill up the post in the Health Department of the State Government have been given a hall ticket (admission card) to appear for the examination in different districts on the same day.

राज्य शासनाच्या आरोग्य विभागातील पद भरण्यासाठी घेतल्या जाणा-या परीक्षेसाठी अर्ज केलेल्या उमेदवारांना एकाच दिवशी वेगवेगळ्या जिल्ह्यात परीक्षा देण्यासाठी हॉल तिकीट (प्रवेश पत्र) देण्यात आले आहे.

राज्य शासनाच्या आरोग्य विभागातील पद भरण्यासाठी घेतल्या जाणा-या परीक्षेसाठी अर्ज केलेल्या उमेदवारांना एकाच दिवशी वेगवेगळ्या जिल्ह्यात परीक्षा देण्यासाठी हॉल तिकीट (प्रवेश पत्र) देण्यात आले आहे. त्यामुळे उमेदवारांमध्ये संभ्रम निर्माण झाला असून शासनाने हा गोंधळ दूर करावा, अशी मागणी उमेदवारांकडून केली जात आहे.

राज्याच्या आरोग्य विभागाने २०१९ मध्ये ५२ पदाच्या भरतीसाठी अर्ज मागविले होते.तसेच उमेदवारांना पद भरतीच्या परीक्षेसाठी वेगवेगळ्या जिल्ह्यांमध्ये असणा-या विविध पदांसाठी अर्ज करण्याची मुभा देण्यात आली होती.त्यासाठी प्रत्येक आरोग्य विभागाकडून ३५० शुल्कही आकारण्यात आले. त्यामुळे अनेक उमेदवारांनी ५ ते ६ पदांसाठी अर्ज केले.त्यावर उमेदवारांना दोन पदांसाठी अर्ज करता येईल, असे आरोग्य विभागाकडून स्पष्ट करण्यात आले. त्यानुसार उमेदवारांनी दोन पर्यायांची निवड केली.उमेदवांना परीक्षांचे प्रवेशपत्र २१ फेब्रुवारी रोजी ऑनलाईन उपलब्ध झाले. त्यात दोन्ही परीक्षा २८ फेब्रुवारी रोजी होणार असून दोन्ही पदांच्या परीक्षेच्या वेळा, उमेदवारांचे नाव, बैठक क्रमांक सारखे देण्यात आले आहेत. मात्र, परीक्षा केंद्र दोन वेगवेगळ्या जिल्ह्यातील आहेत.  एकाच वेळी दोन ठिकाणी परीक्षा देणे शक्य नसल्याने गोंधळाने निर्माण झाला आहे.

“माझ्यासह अनेक उमेदवारांनी दोन पदांसाठी अर्ज केले आहेत. माझ्या दोन वेगळ्या प्रवेशपत्रावर पुणे आणि नाशिक अशी ठिकाणे आली आहेत. दोन्ही परीक्षेचा दिनांक आणि वेळ सारखीच आहे. एक उमेदवार एका वेळेस दोन ठिकाणी परीक्षा देऊ शकणार नाही. प्रवेशपत्रावर अशी चूक होणे हास्यास्पद असून याचा शासनाने गांभीर्यपूर्वक विचार करावा”
–  ज्ञानेश्वर विळेकर, परीक्षार्थी, उमेदवार


पूर्व विदर्भातील सहा जिल्हे मिळून ‘वर्ग १’ ते ‘वर्ग ४’ मधील 1600+ पदे रिक्त

Arogya Vibhag Bharti 2021 The entire administration is working to combat Corona. In such a critical situation, the local administration is facing difficulties due to vacancies in the health department which has the highest work stress. According to the available information, 5251 posts have been sanctioned from ‘District 1’ to ‘Class 4’ in six districts of East Vidarbha. Out of this 3584 posts have been filled and 1667 posts are vacant. Most of the vacancies are in ‘Class 1’. Out of 260 posts, 137 or 53 per cent have not been filled. There are 25 per cent vacancies in Group B, 37 per cent vacancies in Class 3 and 29 per cent vacancies in Class 4. Read below information in brief

आरोग्य क्षेत्रातील रिक्त पदांचा तिढा कायम 

कोरोनाला पुढील महिन्यात एक वर्षाचा कालावधी होत असताना आरोग्य क्षेत्रातील रिक्त पदांचा तिढा अद्यापही सुटलेला नाही. पूर्व विदर्भातील नागपूरसह, भंडारा, गडचिरोली, वर्धा, गोंदिया व चंद्रपूर जिल्हा मिळून ३१ टक्के पदे रिक्त आहेत. याचा फटका रुग्णसेवेवर बसत आहे. यातून भंडारा उपजिल्हा रुग्णालयातील अग्निकांडासारखे प्रकरण घडत असल्याचे बोलले जात आहे.

Vidarbh Arogya Vibhag Bharti 2021 करोनाचा मुकाबला करण्यासाठी संपूर्ण प्रशासकीय यंत्रणा कार्यरत आहे. अशा निर्णायक स्थितीत ज्या विभागावर सर्वाधिक कामाचा ताण आहे त्याच आरोग्य विभागातील रिक्त पदांमुळे स्थानिक प्रशासन अडचणीत येत आहे. उपलब्ध माहितीनुसार, पूर्व विदर्भातील सहा जिल्हे मिळून ‘वर्ग १’ ते ‘वर्ग ४’ मिळून ५२५१ पदे मंजूर आहेत. यातील ३५८४ पदे भरली असून १६६७ पदे रिक्त आहेत. यात सर्वाधिक रिक्त पदे ‘वर्ग १’ मधील आहेत. २६० पैकी १३७ पदे म्हणजे ५३ टक्के पदे भरलेलीच नाही. ‘वर्ग २’ मधीलच ‘गट ब’मध्ये २५ टक्के पदे, ‘वर्ग ३’मधील ३७ टक्के, तर ‘वर्ग ४’मधील २९ टक्के पदे रिक्त आहेत.

-गोंदियात ७५ टक्के पदांवर वरिष्ठ अधिकारीच नाहीत

सहा जिल्ह्यांच्या तुलनेत गोंदिया जिल्ह्यात ‘वर्ग १’चे सर्वाधिक पदे रिक्त आहेत. येथे ४० पदे मंजूर असताना १० भरली असून ३० पदे रिक्त आहेत. तब्बल ७५ टक्के पदांवर वरिष्ठ अधिकारीच नाहीत. चंद्रपूर जिल्ह्यात या संवर्गातील ६४ टक्के, वर्धा जिल्ह्यात ५० टक्के, गडचिरोली जिल्ह्यात ४९ टक्के, भंडारा जिल्ह्यात ४६ टक्के तर सर्वांत कमी नागपूर जिल्ह्यात ३९ टक्के पदे रिक्त आहेत.

-‘वर्ग ३’ची ३७ टक्के पदे रिक्त

‘वर्ग ३’चा कोट्यातील मंजूर पदांपैकी रिक्त पदे सरळसेवा भरती करण्याचे आदेश असतानाही सहा जिल्ह्यांत ३७ टक्के पदे रिक्त आहेत. २२६७ पैकी ८८८ पदे भरलेलीच नाहीत. नागपूर जिल्ह्यात ४७१ पैकी ७२, वर्धा जिल्ह्यात ३१६ पैकी ७०, भंडारा जिल्ह्यात ३६७ पैकी १३४, गोंदिया जिल्ह्यात ३६७ पैकी २०४, चंद्रपूर जिल्ह्यात ४६६ पैकी २६२, तर गडचिरोली जिल्ह्यात ३८० पैकी १४६ पदे रिक्त आहेत.

-नागपूर जिल्ह्यात ‘वर्ग ४’ची सर्वाधिक पदे रिक्त

सहा जिल्हे मिळून ‘वर्ग ४’ची १७५५ पदे मंजूर असताना ५२१ पदे रिक्त आहेत. यात नागपूर जिल्ह्यातील ३९५ पैकी सर्वाधिक, १३२ पदे रिक्त आहेत. भंडारा जिल्ह्यात ३०९ पैकी ७८, गडचिरोली जिल्ह्यात २४९ पैकी ६३, वर्धा जिल्ह्यात २२५ पैकी ६०, गोंदिया जिल्ह्यात २७६ पैकी ८५ तर चंद्रपूर जिल्ह्यात ३०१ पैकी १०३ पदे रिक्त आहेत.

-पूर्व विदर्भातील एकूण पदांची स्थिती

‘वर्ग १’ पदे

मंजूरभरलेलीरिक्त
260123137

‘वर्ग २’ पदे

मंजूरभरलेलीरिक्त
53649838
‘वर्ग २’मधील ‘गट ब’पदे
मंजूरभरलेलीरिक्त
33325083

‘वर्ग ३’ पदे

मंजूरभरलेलीरिक्त
23671479888
‘वर्ग ४’ पदे
मंजूरभरलेलीरिक्त
17551234521

राज्यात विशेषज्ञ डॉक्टरांची ५० टक्के पदे भरली जाणार

Arogya Vibhag Bharti 2021 -कोरोनामुळे आरोग्याकडे पाहण्याचा  बदलला आहे. साध्या आजारावरील उपचारासाठी स्पेशालिस्ट डॉक्टरांकडे जाण्याचा कल वाढला आहे. असे असताना, आरोग्य विभागाकडे स्पेशालिस्ट डॉक्टरांची अवघी ६८० पदे मंजूर आहेत. यातही १७२ पदे भरली असून तब्बल ५०८ पदे रिक्त आहेत. ग्रामीण भागातील रुग्णांना शहराकडे धाव घ्यावी लागत आहे. ग्रामीण भागातील आरोग्य सेवा लंगडी होत चालल्याचे धक्कादायक चित्र आहे.

राज्यात आरोग्य विभागाचे उपजिल्हा रुग्णालये, जिल्हा रुग्णालये, ग्रामीण रुग्णालये यासारखी शासकीय रुग्णालये जवळपास कंत्राटी कर्मचाऱ्यांच्या जिवावर चालली आहेत. अत्यल्प वेतनावर या विभागात डॉक्टरांपासून ते परिचारिका व कर्मचारी काम करत आहेत. बहुतेक ठिकाणी ‘एमबीबीएस’ डॉक्टरांची शेकडो पदे रिक्त आहेत. विशेषज्ञ डॉक्टरांची पदे केवळ नावालाच आहेत. परिणामी, आरोग्य विभागाचे बहुतेक उपक्रम हे ताकदीनिशी राबविणे शक्य होत नसल्याचे दिसून येत आहे. राज्यात रिक्त असलेल्या स्पेशालिस्ट डॉक्टरांच्या रिक्त पदांची विषयावर माहिती उपलब्ध झाली नाही; परंतु या क्षेत्रातील तज्ज्ञानुसार, जनरल सर्जन, अस्थिव्यंगोपचारतज्ज्ञ, त्वचारोगतज्ज्ञ, ईएनटीतज्ज्ञ, पॅथोलॉजीतज्ज्ञ, रेडिओलॉजीतज्ज्ञ, मानसोपचारतज्ज्ञांच्या मंजूर पदांपैकी जवळपास ९० टक्क्यांपेक्षा जास्त पदे रिक्त आहेत. फिजिशियन, बालरोगतज्ज्ञ, स्त्रीरोग व प्रसूतीतज्ज्ञ, बधिरीकरणतज्ज्ञ, नेत्ररोगतज्ज्ञांची सुमारे ४० टक्केही पदे भरलेली नसल्याचे त्यांचे म्हणणे आहे.

-पूर्व विदर्भात ग्रामीण रुग्णालयांची स्थिती बिकट

पूर्व विदर्भातील नागपूर, भंडारा, वर्धा, चंद्रपूर, गोंदिया, गडचिरोली या सहा जिल्ह्यांतील रुग्णालयात विविध विषयांतील विशेषज्ञांची पदे रिक्त असल्याने बिकट स्थिती निर्माण झाली आहे. प्राप्त माहितीनुसार, फिजिशियनची २८ पैकी सुमारे ११ पदे, बालरोगतज्ज्ञांची १०५ पैकी ४० पदे, जनरल सर्जनची २७ पैकी ६ पदे, स्त्रीरोग व प्रसूतीतज्ज्ञांची १०९ पैकी ५० पदे, बधिरीकरणतज्ज्ञांची १०७ पैकी ५६ पदे, अस्थिव्यंगोपचारतज्ज्ञांची २२ पैकी ४ पदे, नेत्ररोगतज्ज्ञांची २० पैकी ४ पदे, त्वचारोगतज्ज्ञांची दोन्ही पदे, ईएनटीतज्ज्ञांची सहाही पदे, पॅथोलॉजीतज्ज्ञांची सातही पदे, रेडिओलॉजीतज्ज्ञांची आठपैकी २ पदे, मानसोपचारतज्ज्ञांची पाचही पदे, रक्तसंक्रमण अधिकारीची (बीटीओ) ६ पैकी पाच पदे तर तर पीएसएमतज्ज्ञांची १७ पैकी ७ पदे अशी एकूण सुमारे २२२ पदे रिक्त आहेत.

-विशेषज्ञ डॉक्टरांची ५० टक्के पदे भरली जाणार

राज्यात विशेषज्ञ डॉक्टरांची मोठ्या संख्येत पदे रिक्त आहेत. यातील ५० टक्के पदे भरण्याला मंजुरी मिळाली आहे. लवकरच ही पदे भरली जाणार आहेत.


आरोग्य विभाग भरती परीक्षा २८ फेब्रुवारी रोजी ! तर पहिल्या टप्प्यातील भरती मार्चमध्ये

Arogya Vibhag Bharti 2021 – आरोग्य विभागातील आणि गावातील आरोग्याशी निगडित ग्रामविकास विभागातील कर्मचाऱ्यांच्या भरतीची परीक्षा २८ फेब्रुवारीला घेतली जाणार आहे. राज्यात आरोग्य विभागाची १७ हजार पदे रिक्त असून त्यातील ५० टक्के पदे म्हणजे साडेआठ हजार पदांच्या बढतीस मुभा देण्यात आल्यानंतर पदभरतीच्या परीक्षा याच महिन्यात पूर्ण होतील आणि मार्च महिन्याच्या पहिल्या-दुसऱ्या आठवडय़ात पदस्थापनेचे आदेश दिले जातील, असे सार्वजनिक आरोग्यमंत्री राजेश टोपे यांनी औरंगाबाद येथे सांगितले.

जिल्हा वार्षिक आढाव्याच्या बैठकीसाठी ते औरंगाबाद येथे आले होते.

आरोग्य विभागातील ही परीक्षा ओएमआर पद्धतीने घेतली जाणार असून त्याच्या प्रश्नपत्रिका काढण्याचे काम माहिती व तंत्रज्ञान विभागाने नेमलेल्या कंपनीकडून केले जात आहे. आरोग्यसेवक आणि सेविका या पदांचाही यात समावेश आहे. साधारणत: पाच हजार पदांची भरती पहिल्या टप्प्यात केली जाणार असल्याचेही टोपे यांनी सांगितले. पोलीस, ग्रामविकास मंत्रालय तसेच आरोग्य विभागातील पदांची भरती होणार आहे.


आरोग्य विभागात गट-ड आणि क मधील १५ हजार ४९० पदे रिक्त

Arogya Vibhag Bharti 2021 – There is  a huge number of vacancies in Maharashtra Rural Health Department. These vacancies in the Primary Health Center, Malaria and Leprosy Department are affecting the health service. Ther is almost 15000+ vacancies Of Group D and Group C. In this the Most Important post of Staff nurse, Pharmacist, Clerk, Lab Technician, Health Worker etc are vacant in various city of Maharashtra . Read below Update of Maharashtra Health Department Recruitment 2021 to know More about Vacancies Of Group D and C

ग्रामीण आरोग्याचा डोलारा सांभाळत असलेल्या कर्मचाऱ्यांचा राज्यात मोठा तुटवडा निर्माण झाला आहे. गट-ड आणि क मधील १५ हजार ४९० पदे रिक्त आहेत. प्राथमिक आरोग्य केंद्र, हिवताप, कुष्ठरोग विभागातील या रिक्त पदांमुळे आरोग्यसेवेवर परिणाम होत असून सर्वाधिक ३ हजार २९१ रिक्त पदे हिवताप व जलजन्य रोग सहसंचालक आरोग्यसेवा (पुणे-६) या कार्यालयात रिक्त आहेत.

कोरोनाला रोखण्यासाठी बहुतांश ठिकाणी मनुष्यबळ अपुरे पडत आहे.

विद्यमान कार्यरत तसेच कंत्राटी स्वरूपात सामावून घेतलेल्यांच्या भरवशावर लढाई सुरू होती. मात्र, कंत्राटींची सेवाही आता खंडित करण्यात आली आहे. एवढी गंभीर स्थिती असतानाही आरोग्य विभागात रिक्त पदांच्या अनुशेषाबाबत कमालीची उदासीनता आहे. आरोग्य सेवक, परिचारिका, लॅब टेक्निशिअन, आरोग्य पर्यवेक्षक, औषध निर्माता, लिपिक या महत्त्वपूर्ण पदांची भरती झालेली नसल्याने रिक्त पदांची संख्या वाढतच आहे.

कार्यक्रम प्रमुख आणि आरोग्यसेवा प्रभारी मंडळांमध्ये रिक्त जागांची लांबलचक यादी आहे. या विभागासाठी एकूण ३१ हजार ५४६ पदे मंजूर आहेत. प्रत्यक्षात २१ हजार २० कर्मचारी कार्यरत आहेत. ३१ डिसेंबर २०२० पर्यंत गट-क संवर्गातील दहा हजार ५२६ जागा रिक्त आहेत. उपसंचालक आरोग्यसेवा नागपूर मंडळासाठी तीन हजार ४३ पदे मंजूर असताना केवळ १७८५ कर्मचारी कार्यरत आहेत. १२५८ जागा या विभागात रिकाम्या आहेत. उपसंचालक अकोला मंडळात २६८१ पदे मंजूर आहेत. प्रत्यक्षात १८६० कार्यरत असून ८२१ जागा रिक्त आहेत. याशिवाय लातूर, औरंगाबाद, कोल्हापूर, पुणे, नाशिक, ठाणे मंडळांसह उपसंचालक आरोग्यसेवा कार्यालयांमध्येही रिक्त पदांची संख्या हजारोंच्या घरात आहे.

परिचरांच्या पाच हजार जागा रिकाम्या

गट-ड संवर्गातील परिचर, शिपाई अशी चार हजार ९१४ पदे सद्यस्थितीत रिकामी आहेत. या संवर्गात १३ हजार ११० पदांना मंजुरी मिळाली आहे. प्रत्यक्षात आठ हजार १९६ कर्मचारी कार्यरत आहेत. सर्वाधिक ७१२ जागा उपसंचालक आरोग्यसेवेच्या नाशिक मंडळ कार्यालयात रिक्त आहेत. या ठिकाणी मंजूर असलेल्या १८४० कर्मचाऱ्यांपैकी ११२७ लोक कार्यरत आहेत. आरोग्यसेवा संचालक मुंबई, हिवताप व जलजन्य रोग सहसंचालक पुणे, उपसंचालक ठाणे, कोल्हापूर, पुणे, नाशिक, औरंगाबाद, लातूर, अकोला, नागपूर मंडळाला रिक्त पदांनी पोखरले आहे.


२८ फेब्रुवारीला जिल्ह्यातील हिवताप विभागाच्या ५९ पदांसाठी १४ केंद्रांवर परीक्षा होणार

Arogya Vibhag Bharti 2021 – Examination on 28th February 2021 for 59 posts of Malaria Department. As this advertisement for various posts has been published in 2019.

राज्यातील आरोग्य विभागातील विविध रिक्त पदांसाठी २०१९ मध्ये जाहिरात निघाली होती. या पदभरतीसाठी दीड वर्षांनी मुहूर्त मिळाला असून येत्या २८ फेब्रुवारीला जिल्ह्यातील हिवताप विभागाच्या ५९ पदांसाठी १४ केंद्रांवर परीक्षा होणार आहे. २०१९ साली ऑनलाईन् अर्ज केलेल्या उमेदवारांनाच या परीक्षेला बसता येणार असून असे ६ हजार ८१२ उमेदवार ही परीक्षा देणार असल्याची माहिती जिल्हा शल्यचिकित्सक डॉ. एन. एस. चव्हाण यांनी दिली.

जळगाव जिल्ह्यात आरोग्य यंत्रणेत अनेक पदे रिक्त असल्याने वैद्यकीय सेवेवर त्याचा परिणाम होत होता. मनष्यबळाच्या कमतरतेचा मुद्दा कोरेाना काळातही प्रकर्षाने समोर आला होता. त्यावेळी कंत्राटी पद्धतीने काही कालावधींसाठी विविध पदे भरून ही मनुष्यबळाची कमतरता भरून काढली होती. मात्र, २०१८ साली राज्यातील साडेपाच हजार जागांसाठी भरती प्रक्रिया राबविण्यासाठी जाहिरात काढण्यात आली होती. मात्र, ही भरतीप्रक्रियाच लांबल्याने ही पदे कमी करून साडे तीन हजारांवर आली होती. यात जिल्ह्यातील हिवताप विभागाची बहुद्देशी आरोग्य कर्मचारी अशी पदे ५९ होती. मात्र, काही कालावधीनंतर ही पदे घटविण्यात आली होती. दरम्यान, परीक्षेचे पूर्ण नियोजन एका खासगी कंपनीला देण्यात आले आहे. केवळ प्रश्नपत्रिक बनविणे ते विद्यार्थ्यांपर्यंत पोहचविणे, उत्तरपत्रिका गोळा करणे ऐवढी शासनाची भूमिका राहणार आहे. प्रश्नपत्रिका व उत्तरपत्रिकेच्या सुरक्षेसाठी जिल्हा रुग्णालय प्रशासनाकडून पोलीस बंदोबस्तही मागविण्यात येणार आहे. १४ केंद्रांवर वीस पर्यवेक्षक राहणार आहे. सकाळी व सायंकाळी अशा दोन सत्रात ही परीक्षा होणार असून यानंतर गुणवत्तेनुसार उमेदवारांची निवड होणार आहे. या पदांसाठी मुलाखती नसल्याचे डॉ. चव्हाण यांनी सांगितले.


Arogya Vibhag Bharti 2021 – With so many vacancies in primary health centers and sub-centers, the burden of the health system is on the few. There are 777 vacancies in primary health centers and 107 vacancies in sub-centers in the district. This is a picture of being on saline as it puts stress on the health system.

जिल्ह्यातील प्राथमिक केंद्रच आजारी; ७७७ पदे रिक्त

पुणे : ग्रामीण आरोग्यावर भर देत यंदाच्या अर्थसंकल्पात भरीव तरतूद करण्यात आली. मात्र, प्राथमिक आरोग्य केंद्र आणि उपकेंद्रातील अनेक पदे रिक्त असल्याने मोजक्याच लोकांवर आरोग्य यंत्रणेचा भार आहे. जिल्ह्यात प्राथमिक आरोग्य केंद्रात ७७७ तर उपकेंद्रात १०७ पदे रिक्त आहेत. यामुळे आरोग्य यंत्रणेवर ताण येत असल्याने ती सलाईनवर असल्याचे चित्र आहे.

जिल्ह्यात ९६ प्राथमिक आरोग्य केंद्रे तर ५३९ उपकेंद्रे आहेत. या केंद्राच्या माध्यमातून जिल्ह्यात आरोग्यसेवा पुरवली जाते. ग्रामीण भागातील अनेक रुग्ण या आरोग्य केंद्रातील उपचारांवरच अवलंबून आहेत. यंदा कोरोनाकाळात आरोग्य विभागाने चांगली कामगिरी केली. यामुळे कोरोनाबाधितांची संख्या कमी होण्यास मदत झाली. असे असले तरी गेल्या अनेक दिवसांपासून या केंद्रातील रिक्त पदे भरली न गेल्याने त्याचा ताण मोजक्याच आरोग्य कर्मचाऱ्यांवर आला आहे. प्राथमिक आरोग्य केंद्रात १८४५ मंजूर आहेत. यात वैद्यकीय अधिकारी, आरोग्यसेविका, परिचारिका आदी पदे आहेत. मात्र, यातील केवळ ८५३ पदेच भरली गेली आहेत, तर उपकेंद्रात ११३८ पदे मंजूर आहेत. यातील १०७ पदे ही रिक्त आहेत. राज्य शासनाच्या महापोर्टलवरून ही भरती प्रक्रिया राबवली जाणार आहे. मात्र, अद्याप याला सुरुवात झालेली नाही. यामुळे ही पदे कधी भरली जाणार या प्रतीक्षेत आरोग्य यंत्रणा आहे.
चार आरोग्य केंद्रांत डॉक्टरच नाहीत

आरोग्य केंद्रांत वैद्यकीय अधिकारी नाही

जिल्ह्यातील चार प्राथमिक आरोग्य केंद्रांत वैद्यकीय अधिकारी नाही. यामुळे येथील नागरिकांना खाजगी आरोग्यसेवेवर अवलंबून राहावे लागते. परिणामी त्यांना नाहक आर्थिक भुर्दंड सोसावा लागतो. एखादा गंभीर रुग्ण केंद्रावर आल्यास त्याला तातडीची आरोग्यसेवा मिळत नाही. पर्यायाने त्यांना दुसऱ्या केंद्रात तर काही घटनांमध्ये थेट पुण्यातील दवाखाने गाठावे लागते.
कोट

जिल्ह्यातील आरोग्य विभागातील रिक्त पदे राज्य शासनामार्फत महापोर्टलवरून भरली जातात. ही रिक्त पदे भरण्यात यावी यासाठी शासनाकडे मागणी करण्यात आली आहे. लवकरच ही पदे भरली जातील.
– भगवान पवार, जिल्हा आरोग्य अधिकारी
——–
जिल्ह्यातील प्राथमिक आरोग्य केंद्र
९६
एकूण कर्मचारी – ८५२
रिक्त पदे – ७७७
उपकेंद्र – ५३९
एकूण कर्मचारी – ११३८
रिक्त – १०७


Arogya Vibhag Bharti 2021 – Atpadi, Jat taluka health center has vacancies for soldiers and other posts. As a result, medical officers have to face difficulties in providing services to the patients with cleanliness. It is very difficult to enable healthcare on a contract basis . There is at leased 500+ vacant posts in Primary Health Department. Below is all details about no of vacant posts :

ग्रामीण रुग्णालयांमध्ये वैद्यकीय अधिकारी, आरोग्य कर्मचाऱ्यांची पदे रिक्त  

कोरोनामध्ये ग्रामीण जनतेला सर्वाधिक उत्तम दर्जाची आरोग्य सेवा प्राथमिक, ग्रामीण रुग्णालयातील आरोग्य सेवक, सेविका आणि वैद्यकीय अधिकाऱ्यांनीच दिली आहे. कोरोनाच्या भीतीमुळे अनेक खासगी मोठ्या रुग्णालयांनी आरोग्य सेवा थांबविली होती. अनेक रुग्णांना वेळेत उपचार झाले नसल्यामुळे त्यांचा बळी गेला आहे. कोरोनामध्ये शासकीय आरोग्य यंत्रणा कशी सक्षम असली पाहिजे, हे सिद्ध झाले आहे. तरीही केंद्र आणि राज्य सरकार शासकीय आरोग्य केंद्र, ग्रामीण रुग्णालयांमध्ये वैद्यकीय अधिकारी, आरोग्य कर्मचाऱ्यांची पदे तातडीने भरत नाही. मूलभूत सुविधांचा तेथे अभाव असल्यामुळे वैद्यकीय अधिकारी रुग्णांना उत्तम दर्जाची सेवा देऊ शकत नाहीत.

आरोग्य केंद्रामध्ये शिपायांचीही पदे रिक्त

आटपाडी, जत तालुक्यात आरोग्य केंद्रामध्ये शिपायांचीही पदे रिक्त आहेत. यामुळे तेथील स्वच्छतेसह रुग्णांना सेवा देताना वैद्यकीय अधिकाऱ्यांना अडचणींना सामोरे ज%Bवे लागत आB9े. 95ंत्राटीपदावर आरोग्य सेवा सक्षम होणे खूप कठीण आहे, असे आरोग्य कर्मचारी संघटना आणि डॉक्टरांचे मत आहे. आरोग्य यंत्रणा सक्षम करायची असेल तर रिक्त पदे शंभर टक्के भरण्याची गरज आहे.

आरोग्य विभागाकडील रिक्त पदे        विभाग मंजूर रिक्त पदे

औषधनिर्माता            ६४                                         १६

प्रयोगशाळा तंत्रज्ञ         २                                           १

कृष्ठरोग तंत्रज्ञ               ४                                           ४

कृष्ठरोग तंत्रज्ञ                ४                                          ४

आरोग्य पर्यवेक्षक            ८                                         ३

औषध फवारणीस        १९०                                     १६२

आरोग्य सेविका           ५७९                                     २९३

एकूण                       ११२७                                     ५०२

जिल्ह्यात प्राथमिक आरोग्य केंद्रे : ६२

उपकेंद्रे : ३२०

प्राथमिक आरोग्य केंद्र आणि उपकेंद्रातील रिक्त पदे तातडीने भरण्यासाठी शासनाकडे पाठपुरावा चालू आहे. शासन ती पदे भरणार आहे, पण तोपर्यंत रुग्णांची गैरसोय होऊ नये, म्हणून कंत्राटी वैद्यकीय अधिकारी आणि आरोग्य सेवक व सेविकांची पदे भरली आहेत. यामुळे जिल्ह्यात सर्वत्र चांगली आरोग्य सेवा सुरू आहे.


Arogya Vibhag Bharti 2021 –  In the Health Department of Zilla Parishad, a total of 789 Group C posts have been sanctioned. Out of which 299 posts are still vacant. Read More Details On Arogya Vibhag Bharti 2021 at below :

जिल्हा परिषदेच्या आरोग्य विभागातील गट क चे एकूण ७८९ पदे मंजूर आहेत. त्यापैकी ४९० पदे भरली गेली आहेत. तर २९९ पदे अद्याप रिक्त आहेत. ऑगस्ट २०२० मध्ये रिक्त पदे भरण्याबाबत राज्य शासनाने सूचना केली होती. रिक्त पदे भरण्यासाठी आवश्यक असलेली बिंदुनामावली मात्र अजूनही प्राप्त झालेली नाही. बिंदुनामावलीची प्रक्रिया पूर्ण झाल्यानंतरच रिक्त पदे भरण्याचा मार्ग मोकळा होऊ शकतो.

कोरोना काळातही अपुऱ्या आरोग्य कर्मचाऱ्यांसमवेतच आरोग्य यंत्रणा काम करत होती. आरोग्य केंद्र, उपकेंद्रासोबतच ग्रामीण रुग्णालयातील पदे रिक्त आहेत. कोरोना काळात आरोग्य यंत्रणेने चांगले कार्य केले. बाहेर गावाहून आलेल्या नागरिकांना क्वारंटाईन करणे तसेच सर्वेक्षण मोहीम राबवण्याचे महत्त्वाचे काम आरोग्य केंद्र व आरोग्य उपकेंद्रातील कर्मचाऱ्यांनी केले. रिक्त जागांमुळे सर्वेक्षण मोहीम व कोरोनासंबंधी इतर कामे करताना अतिरिक्त ताण सोसावा लागला होता.

डॉक्टरांची ८ पदे रिक्त (Primary Helath Department Bharti 2021)

जिल्ह्याच्या ग्रामीण आरोग्य यंत्रणेत डA5क्टरांची पदेही रिक्त आहेत. ग्रामीण आरोग्य यंत्रणेतील डॉक्टरांची ८ पदे रिक्त आहेत. रिक्त पदांमुळे इतर आरोग्य कर्मचाऱ्यांवर अतिरिक्त ताण पडत आहे. शासनाच्या विविध मोहीम, सर्वेक्षण नेहमी सुरू असतात. रिक्त पदे भरले तर आरोग्य क्षेत्रातील विविध मोहिमा प्रभावीपणे पार पडतील.

ग्रामीण आरोग्य यंत्रणेतील क गटातील २९९ पदे रिक्त–

ग्रामीण आरोग्य यंत्रणेतील क गटातील २९९ पदे रिक्त आहेत. त्यात सरळसेवा व पदोन्नतीच्या पदांचा समावेश आहे. बिंदुनामावलीची यादी अद्याप शासनाकडून प्राप्त झालेली नाही. बिंदुनामावलीची यादी प्राप्त झाल्यानंतर भरती प्रक्रियेला सुरुवात होईल. येत्या आठवड्यात बिंदुनामावलीची प्रक्रिया पूर्ण होणे अपेक्षित आहे.

आकडेवारी अशी –

  • प्राथमिक आरोग्य केंद्र – ४१
  • आरोग्य उपकेंद्र – २३२
  • एकूण कर्मचारी –
  • आरोग्य केंद्रे – ३००
  • आरोग्य उपकेंद्रे – ४८९
  • रिक्त कर्मचारी –
  • आरोग्य केंद्रे – १८६
  • उपकेंद्र – ११३

Arogya Vibhag Bharti 2021 : Applications were invited for the vacant posts under the jurisdiction of the Health Services Commissionerate in February 2019 by advertising on the Mahaportal, However, due to the cancellation of the portal at that time, the examination process could not be completed. Meanwhile, in view of the growing stress on health services and vacancies in the wake of the Covid-19 communicable disease, the General Administration Department has approved 50 percent of the vacancies in the health department as per the decision taken by the Cabinet. The examination will be held on the same day on 28th February 2021 in the entire state. For more details read PDF advertisement.

New Update On 5th Feb 2021महाराष्ट्र शासनाच्या आरोग्य संचालनालया मार्फत घेण्यात येणारी गट क पदांची परीक्षेचा लॉगीन आयडी जनरेट कसा करावा, पासवर्ड जनरेट कसा करावा, एसीबीसी रिझर्वेशन कसे बदलावे यासाठी पुढे लिंक दिली आहे

आरोग्य विभाग मार्फत उमेदवारांना Password व SEBC श्रेणी मधील उमदेवराना बदलासाठीची  लिंक उपलब्ध झाली असून त्याबाबतची माहिती खालील लिंकवर माहिती भरून Password तयार करता येईल.

CLICK HERE TO Generate LOGIN ID PASSWORD

New Update 04th Feb 2021 – Information regarding Group C examination is being made available on the candidates mobiles via SMS from the ID THINKE

Arogya Vibhag Bharti 2021

New Update 03rd Feb 2021– On Official Site Of Argya Viibhag Corrigendum For Group C Posts has issued. Check Below Image

Arogya Vibhag Bharti 2021

आरोग्य सेवा आयुक्तालयाच्या आधिपत्याखालील रिक्त पदांच्या पदभरतीसाठी फेब्रुवारी, 2019 मध्ये महापोर्टलवर जाहिरात देऊन आवेदन मागविण्यात आली होती, परंतु, तत्कालीन परीस्थितीत महापोर्टल रद्द झाल्याने, सदर परीक्षा प्रक्रिया पूर होऊ शकली नाही. दरम्यान कोविड-19 साथरोगाच्या पार्श्वभू%Aीवर आरोग्य सेवेवरील वाढता ताण आणि रिक्त पदे लक्षात घेता, मंत्रिमंडळाने घेतलेल्या निर्णयानुसार सामान्य प्रशासन विभागाने आरोग्य विभागास रिक्त पदांपैकी 50 टक्के भरतीस मान्यता दिली आहे. सदर परीक्षा तातडीने घेणे आवश्यक असल्याने फेब्रुवारी, 2019 मध्ये महापोर्टलवर जाहिरात प्रक्रियेद्वारे जे अर्ज मागविण्यात आले होते त्या अर्ज्नुसार पात्र असलेले उमेदवार या पदभरतीची परीक्षा देण्यास पात्र ठरतील. सदर परीक्षा संपूर्ण राज्E0ात दिनांक 28 फेब्रुवारी 2021 ला एकाच दिवशी घेण्यात येईल. या संदर्भातील अधिक माहिती करिता PDF जाहिरात बघावी.

राज्यातील आरोग्य सेवा विभागात विविध पदांची मेगा भरती होणार आहे. त्यासाठी २८ फेब्रुवारीला विविध पदांच्या परीक्षा एकाच दिवशी होणार आहेत. त्यामुळे ज्यांनी एकापेक्षा अधिक पदांसाठी अर्ज केले आहेत, अशा उमेदवारांना उर्वरित पदांची परीक्षा द्यावी कधी, असा पेच निर्माण झाला आहे.

राज्यभरात अशा हजारो उमेदवारांची कोंडी झाली आहे. आरोग्य सेवा विभागाने यावर तोडगा काढण्याची अपेक्षा व्यक्त होत आहे.

सार्वजनिक आरोग्य विभागात ४० पदांवर भरती होणार आहे. यात आरोग्य कर्मचारी, वस्त्र पाल, नळकारागीर, दूरध्वनी चालक, सहाय्यक परिचारिका, प्रयोगशाळा सहाय्यक, वीजतंत्री, अनुजीव सहाय्यक, प्रयोगशाळा तंत्रज्ञ, ईसीजी तंत्रज्ञ, क्ष-किरण तंत्रज्ञ, नेत्रचिकित्सा अधिकारी, प्रयोगशाळा वैज्ञानिक, बालरोग तज्ज्ञ, मनोरुग्ण तज्ज्ञ परिचारिका, समुपदेश, रासायनिक सहायक, रक्तपेढी तंत्रज्ञ आदी चाळीस पदांवर भरती होणार आहे. त्यासाठी सेवा विभागाने २०१९ मध्ये अर्ज मागवले होते.

राज्यभरातून जवळपास दोन लाखाहून अधिक उमेदवारांनी अर्ज केले आहेत. यात बहुतेक उमेदवारांनी शैक्षणिक अहर्ता व अनुभवानुसार दोनपेक्षा अधिक पदांवर अर्ज भरले आहेत. एका पदाच्या अर्जासाठी कमीत कमी पाचशे रुपये शुल्क याप्रमाणे जितक्‍या पदांसाठी अर्ज केला तितक्‍या पदांची शुल्क उमेदवारांनी भरले आहे. त्यानुसार वरील पदांसाठी परीक्षा घेण्यात येणार असून त्याचे आदेश आरोग्य सेवा विभागाने नुकतेच पाठवले आहेत. त्यात २८ फेब्रुवारीला सकाळी व दुपारी अशा दोन सत्रांमध्ये परीक्षा होणार आहे. या सर्व पदांसाठीच्या परीक्षा एकाच दिवशी होणार आहेत.

 

उमेदवारांतून नाराजी
हॉल तिकीट परीक्षेच्या अगोदर आठ दिवस मिळेल, असे सांगण्यात आले आहे. हॉल तिकीटवरच ठिकाण व वेळ याचे तपशील असणार आहेत. त्यामुळे परीक्षा कोठे होणार, याची माहिती नाही. एकाच पदाची परीक्षा दिल्यास उर्वरित पदांच्या परीक्षेसाठी भरलेले शुल्क परत मिळणार की नाही, याविषयीही माहिती नाही. त्यामुळे उमेदवारांमध्ये नाराजी व्यक्त होत आहे.

New Update 02nd Feb 2021 – Candidates  who have applied for Maharashtra Arogya Vibhag Bharti 2021 can check their queries from below  FAQ PDF :


Good news! Mega recruitment of 8,500 posts in the Health Department-Advertisement Will Be Out Today

Arogya Vibhag Bharti 2021  – Great News For All Candidates ! Arogya Vibhag Mega Recruitment advertisement is released today (January 18).  17,000 posts will be filled in the state health department under Arogya Vibhag Bharti 2021 . Out of this, 8,500 posts will be filled, said Rajesh Tope, Minister of State for Health. So, Candidates be ready for This Year’s Mega Recruitment in Health Department Of Maharashtra and Apply as per qualification Don’t miss this chance and share this information to the people who wants to be a part of this Institution:

कोरोना काळात आरोग्य यंत्रणेवर मोठी जबाबदारी होती. मात्र, काही ठिकाणी कर्मचाऱ्यांची कमी जाणवत होती. त्यामुळे आरोग्य यंत्रणेवर ताण येत होता. आरोग्य यंत्रणेवरील ताण लक्षात घेता राज्याच्या आरोग्य विभागात 17 हजार पदांची भरती होणार आहे. यापैकी 8 हजार 500 पदांची भरती निघणार आहे, अशी माहिती राज्याचे आरोग्य मंत्री राजेश टोपे यांनी दिली (Recruitment in Maharashtra Health Department).

आरोग्य विभागातील 8 हजार 500 पदांची भरती निघाली आहे. आज (18 जानेवारी) नोकर भरतीची जाहिरात आताच उपलब्ध झाली आहे .

17 हजार पैकी 8 हजार 500 पदे ही ग्रामविकास विभागशी संबंधित आरोग्य विभागातील प्राथमिक आरोग्य केंद्र येथील आहेत. त्यामुळे 2 टप्प्यात ही नोकर भरती होणार आहे. 56 संवर्गात ही नोकर भरती होणार असून या सर्व पदासाठी परीक्षा प्रक्रिया होणार आहे. साधारण 15 फेब्रुवारीपर्यंत परिक्षा आणि त्यांनतर 2 ते 3 दिवसात निकाल लागणार असल्याचे आरोग्य मंत्र्यांनी सांगितले.


दोन टप्प्यात नोकर भरती
आरोग्य विभागात एकूण १७ हजार पदांची भरती करण्यात येणार असून यात पहिल्या टप्प्यात ८ हजार ५०० पदांची भरती केली जाणार आहे. पहिल्या टप्प्यातील भरती ही ग्रामविकास विभागाशी संबंधित आरोग्य विभागातील प्राथमिक आरोग्य केंद्रांमधील आहे. या भरतीत क आणि ड वर्गातील पदं भरली जाणार आहेत. यात नर्सेस, वॉर्ड बॉय, क्लर्क आणि टेक्निशियनचा समावेश असणार आहे.

झिंझर नावाच्या आयटी कंपनीला नोकर भरती प्रक्रिया राबविण्याचे काम देण्यात आले आहे. या भरतीत क आणि ड वर्गातील पदे भरली जातील. यात नर्सेस, वॉर्ड बॉय, कलर्क आणि टेक्निशियनसह क आणि ड वर्गातील पदांचा समावेश आहे. या नोकर भरतीवेळी कोरोना काळात कंत्राटी काम केलेल्यांना प्राधान्य दिले जाणार नाही. मात्र कोरोना संकट काळात अनेक जणांनी कंत्राटी पद्धतीने काम केले. त्यांना नियमित नोकरीवर घेणे शक्य नसल्याने आणि सुप्रीम कोर्टाच्या अनेक निर्णयाप्रमाणे तसे करणे नियमबाह्य ठरणार आहे. तरीही त्यांना वेगवेगळ्या भरती तसेच राष्ट्रीय आरोग्य मिशन (NHM) मधील पदांची भरती करताना प्राधान्य दिले जाणार आहे. त्यासाठी निवड प्रक्रियेतील नियमात आवश्यक ते बदल केले जातील, असे टोपे यांनी सांगितले.

पोलीस खात्यातही भरती

राज्याचे गृहमंत्री अनिल देशमुख यांनी गेल्या आठवड्यात महाराष्ट्र पोलीस खात्यात 12538 जागांच्या भरतीची घोषणा केली होती.  पहिल्या टप्प्यात 5300 जागांसाठी भरती प्रक्रिया पार पडेल. तर उर्वरित जागा या दुसऱ्या टप्प्यात भरण्यात येतील, असे अनिल देशमुख यांनी स्पष्ट केलं होतं. तसेच 12538 जागा भरल्यानंतरही गरज पडल्यास पोलीस खात्यात आणखी कर्मचाऱ्यांची भरती केली जाईल, असे अनिल देशमुख यांनी सांगितले होते.

Maharashtra Police Bharti 2021-आठ दिवसात निघणार जाहिरात


Arogya Vibhag Bharti 2021 – The process of mega recruitment has started in the health department of the state government, there is a golden opportunity for government job as well as competitive exam takers. A circular has been issued in this regard. 50% of the vacancies in Group C and Group D in the Public Health Department will be filled. See below More details on Maharashtra Arogya Vibhag Bharti 2021 :

राज्याच्या सार्वजनिक आरोग्य विभागात होणार मेगाभरती – 

राज्य सरकारच्या आरोग्य विभागात मेगाभरतीची प्रक्रिया सुरु झाली आहे , सरकारी नोकरी तसेच स्पर्धा परीक्षा देणाऱ्यासांठी सुवर्णसंधी चालून आली आहे. या संदर्भातील माहितीचे परिपत्रक निघाले आहे.

सार्वजनिक आरोग्य विभागातील “गट क व गट ड” रिक्त पदापैकी ५०% पदे भरण्यात येणार असून त्या बाबतचे खालील परीपत्रकात नमूद केले आहे.

 

Aarogya Vibhag Bharti 2021 Details

शासन पत्रान्वये दि.१-१-२०२१ रोजी मा. प्रधान सचिव, सार्वजनिक आरोग्य विभाग, यांचे अध्यक्षतेखाली आरोग्य विभागातील गट-कर गट- या संवर्गातील पदभरतीबाबत बैठक आयोजित केली होती. सार्वजनिक आरोग्य विभागातील रिका पदापैकी 50 टक्के पद भरती करण्यासाठी मंत्री मंडळाची मान्यता मिळालेली आहे. त्याअनुषंगाने गट-क संवर्गातील रिक्त पदांच्या अनुषंगाने बिंदूनामावली तपासून गट ड संवर्गातील पद भरती प्रक्रियेच्या अनुषंगाने पुढील कार्यवाही तात्कार करण्यात यावी असे निर्देश दिले आहेत


पालघर जिल्हा परिषदेचे शिक्षण, आरोग्य विभाग मनुष्यबळाअभावी

Arogya Vibhag Bharti 2021 – Among the various departments of the Zilla Parishad Palghar, the Department of Education and Health is considered to be the most important. However, due to the shortage of manpower in both the departments, there is a stress on the existing staff in both the departments. With more than 20 per cent vacancies in the education department and about 50 per cent vacancies in the health department. As a result, there are many difficulties in providing health and education services in Palghar district. Read More details On Latest Update On Palghar Arogya Vibhag Bharti 2021 at below:

पालघर जिल्ह्याला शैक्षणिक (Palghar Education Department Bharti 2021)  व आरोग्य दृष्टय़ा सक्षम करणारे जिल्हा परिषदेचे शिक्षण व आरोग्य विभाग (Arogya Vibhag Palghar Bharti 2021) मनुष्यबळाअभावी कमकुवत झाले असून हे विभाग गेल्या सहा वर्षांपासून उपलब्ध मनुष्यबळावर कार्यरत आहेत. त्यामुळे उपलब्ध कर्मचारी कामाच्या वाढत्या बोजाने मेटाकुटीला आले आहेत.

शिक्षण व आरोग्य विभाग सर्वात जास्त  रिक्त पदे

१४ ऑगस्ट २०१४ ला पालघर जिल्ह्याची स्वतंत्र निर्मिती करण्यात आली. हा जिल्हा स्थापन झाल्यानंतर पालघर जिल्हा परिषद व त्याच्याशी निगडित असलेले विविध प्रशासकीय विभाग स्थापन करण्यात आले. जिल्हा परिषदेच्या या विविध विभागांमध्ये शिक्षण व आरोग्य विभाग सर्वात महत्त्वाचा व जिल्ह्यासाठी एक महत्त्वाचे अंग मानले जाते. मात्र सुरुवातीपासूनच या दोन्ही विभागात मनुष्यबळ कमतरता असल्याने हे दोन्ही विभाग सद्यस्थितीत उपलब्ध कर्मचाऱ्यांवर त्याचा ताण आहे.  शिक्षण विभागात वीस टक्कय़ांहून अधिक तर आरोग्य विभागात सुमारे पन्नास टक्के रिक्त पदे असल्याने आता असलेल्या कर्मचाऱ्यांवर अतिरिक्त कामाचा ताण येत आहे. परिणामी आरोग्य व शिक्षण संदर्भ सेवा पुरवण्यासाठी अनेक अडचणीचा सामना करावा लागत आहे.

पालघर जिल्ह्यात कुपोषण मोठय़ा प्रमाणात आहे. या कुपोषणावर मात मिळवण्यासाठी महिला व बाल विकास विभागासह आरोग्य विभागाचा मोठा वाटा आहे. मात्र सद्यस्थितीत पालघर जिल्ह्यात आरोग्य विभागांतर्गत सुमारे ५० टक्के पदे रिक्त असल्याने इतर कर्मचाऱ्यांवर अतिरिक्त ताण येत असल्यामुळे कुपोषण निर्मूलनाचे काम संथगतीने सुरु आहे. भविष्यात हे काम असेच  संथगतीने सुरू राहिल्यास जिल्ह्यातील कुपोषण आणखीन वाढण्याची शक्यता नाकारता येत नाही.

मनुष्यबळाची  कमतरता

जिल्ह्याच्या ग्रामीण भागात आरोग्य विभागाची महत्त्वाची भूमिका असली तरी शिक्षणाच्या बाबतीत शिक्षण विभागाची मोठी जबाबदारी ग्रामीण भागात आहे. शाळांसह माध्यमिक विद्यालय, विद्यालये आदींवर देखरेख ठेवण्याचे काम शिक्षण विभाग करीत असते. त्यातच शिक्षकांचे पगार अनुदानित महाविद्यालयांची विविध शिक्षण विषयक कामे, तुकडी वाढ प्रस्ताव, अशी अनेक कामे शिक्षण विभागाला करावी लागत आहेत. याच बरोबरीने ग्रामीण भागात माध्यमिक व विद्यालया मधून शिक्षण देण्याचे काम शिक्षकांमार्फत केले जात आहे. असे असताना शिक्षण विभागात २० टक्कय़ाहून अधिक पदे रिक्त असल्याने जिल्ह्याच्या शिक्षणाकडे दुर्लक्ष होताना दिसत आहे. त्यामुळे या दोन्ही विभागात मनुष्यबळ असणे आवश्यक असून या दोन्ही विभागाची पदे तातडीने भरावीत अशी मागणी या निमित्ताने होत आहे.

रिक्त पदांचा तपशील

शिक्षण विभाग

* मंजूर  –  ७८८२

* कार्यरत  —   ५८४२

* रिक्त पदे —  २०४०

* रिक्त पदे टक्केवारी — २६%

आरोग्य विभाग

* मंजूर  — ११६६

* कार्यरत — ६८६

* रिक्त  — ५८०

* रिक्त टक्केवारी —  ४९%

आरोग्य व शिक्षण विभाग जिल्ह्यासाठी महत्वाचा विभाग आहे. या विभागातच कर्मचारी संख्या कमी असल्याने याचा विपरीत परिणाम शिक्षण व आरोग्य संदर्भ सेवा देताना होण्याची शक्यता आहे. त्यासाठी पदे तात्काळ भरवीत अशी मागणी शासनाकडे केली आहे.


Arogya Vibhag Bharti 2021 – जिल्हा आरोग्य संवर्गातील राज्यात तब्ब्ल २७४ पैकी १४४ पदे रिक्त असल्याची माहिती समोर आली आहे. दहा वर्षांपासून शासनाने सेवा जेष्ठता यादीच प्रसिद्ध न केल्याने पदोन्नती रखडल्या आहेत. त्यामुळे आहेत त्या अधिकाऱ्यांवर कामाचा ताण वाढत आहे. ही सर्व पदे भारण्यासह इतर २७ मुद्द्यांवर जिल्हा आरोग्य अधिकारी संघटनेने आयुक्तांपुढे कैफियत मांडली

Arogya Vibhag Bharti 2021

राज्यात या संवर्गातील २७४ पैकी केवळ १३० जागा भरलेल्या आहेत. त्यामुळे अद्यापही १४४ जागा रिक्त आहेत. याचा परिणाम कामावर होत आहे


Arogya Vibhag Bharti 2021Over the next few months, more than 8,000 employees will be recruited in the health and rural development departments. The Covid crisis will lead to the necessary recruitment in the health sector. Rajesh Tope said that the recruitment process will start in the next two months. To boost the recruitment of vacancies in the health department, Health Minister Rajesh Tope called a meeting of all the divisional commissioners and senior officials of the health department through video conferencing. Read More details below:

आरोग्य विभागातील रिक्त पदांच्या भरतीला चालना मिळण्यासाठी आरोग्य मंत्री राजेश टोपे यांनी राज्यातील सर्व विभागीय आयुक्त, आरोग्य विभागाचे वरिष्ठ अधिकारी यांची व्हिडिओ कॉन्फरन्सिंगद्वारे बैठक घेतली. पुढील काही महिन्यात साधारण आठ हजार पेक्षा जास्त नोकर भरती आरोग्य आणि ग्रामविकास विभागात केली जाणार आहे. कोविड संकटामुळे आरोग्य क्षेत्रात आवश्यक भरती केली जाणार आहे. पुढील दोन महिन्यात नोकरभरती प्रक्रिया सुरू केली जाणार असल्याचंही  राजेश टोपेंनी सांगितलं. यावेळी आरोग्य विभागाचे प्रधान सचिव डॉ. प्रदीप व्यास, आयुक्त डॉ. रामस्वामी, संचालक , उपसंचालक आदी उपस्थित होते

राजेशे टोपेंनी राज्यातील कोविड परिस्थितीसंदर्भात चर्चा केल्यानंतर संबंधितांना महत्त्वाच्या सूचनाही केल्या आहेत. यावेळी सर्व आरोग्य उपसंचालक, जिल्हा शल्यचिकित्सक, जिल्हा आरोग्य अधिकारी यांची स्वतंत्र बैठक घेऊन राज्यातील आरोग्य यंत्रणेच्या माध्यमातून नागरिकांना दर्जेदार सेवा देण्याचे आवाहन केले. आरोग्य यंत्रणेचे संनियंत्रण महत्वाचे असून महत्वाच्या राष्ट्रीय आरोग्य योजनांची प्रभावी अंमलबजावणी करा. सार्वजनिक आरोग्य सेवेकडे बघण्याचा लोकांचा दृष्टिकोन बदलण्यासाठी प्रयत्न करण्याच्या सूचना यावेळी त्यांनी केल्या

पदभरतीची प्रक्रिया महिन्यात पूर्ण करा; आरोग्यमंत्री राजेश टोपे यांचे निर्देश

आरोग्य आणि ग्रामविकास विभागातील आरोग्य निगडीत पदं लवकरच भरली जाणार आहेत. राज्य शासनानं भरतीला मान्यता दिली आहे, अशी माहिती राजेश टोपेंनी दिली. सार्वजनिक आरोग्य विभागातील पदभरतीसाठीची प्रक्रिया जानेवारी अखेरपर्यंत पूर्ण करावी. राज्यात कोरोना रुग्णांची संख्या नियंत्रणात येत असून, सार्वजनिक आरोग्य यंत्रणेने नॉन कोविड रुग्णांच्या सेवेकडे लक्ष द्यावे. सेवेचा दर्जा उंचावतानाच सौजन्यपूर्ण वागणूक सामान्यांना द्यावी. आरोग्य विभागाच्या महत्त्वाच्या योजनांच्या माहितीचा फलक प्रत्येक ग्रामपंचायतीवर लावावा. दिव्यांगांना प्रमाणपत्र देण्याची प्रक्रिया सुलभ करावी, असेही टोपेंनी सांगितले.

राज्यातील आरोग्य संस्थांचे अर्धवट बांधकाम पूर्ण करण्यावर भर दिला जात असून, जिल्हा यंत्रणेने सार्वजनिक आरोग्य संस्थेतील स्वच्छता, परिसर स्वच्छता, भोजनाचा दर्जा याकडे विशेष लक्ष देऊन सार्वजनिक आरोग्य यंत्रणेचा चेहरा बदलण्याचे काम करावे, असे आवाहन आरोग्यमंत्र्यांनी केले. आरोग्य विभागाच्या योजनांची माहिती सामान्यांना व्हावी यासाठी प्रत्येक ग्रामपंचायतीमध्ये आणि गावातील मुख्य चौकात माहितीचे मोठे फलक लावावेत. महात्मा जोतिबा फुले जनआरोग्य योजनेचा प्रभावीपणे प्रचार आणि प्रसिद्धी करावी. त्याचबरोबर या योजनेंतर्गत प्रत्येक तालुक्यात एक रुग्णालय सहभागी होईल यासाठी जिल्हा शल्य चिकित्सकांनी प्रयत्न करावे, असे त्यांनी सांगितले.

औषध खरेदीसाठी स्वतंत्र महामंडळ

आरोग्य संस्थांसाठी आवश्यक असणाऱ्या औषध खरेदीसाठी स्वतंत्र महामंडळ करण्याचा मानस असून, त्यासाठी तामिळनाडू आणि राजस्थान या राज्यांचा अभ्यास करावा, असे निर्देशही आरोग्यमंत्र्यांनी दिले.


Arogya Vibhag Bharti 2021 – Good News for All Students who are preparing for Maharashtra Health Department Recruitment. As there will be No Interview for this Recruitment, Candidates will get selected through Written Examination Only for Arogya Vibhag Bharti 2021…Read Below details..

Arogya Vibhag Recruitment 2021 – राज्याच्या आरोग्य विभागातील पदभरती महिन्याच्या आत परीक्षा घेऊन होणार असल्याची माहिती आरोग्यमंत्री राजेश टोपे यांनी दिली आहे. या निर्णयामुळे स्पर्धा परीक्षांची तयारी करणाऱ्या हजारो विद्यार्थ्यांना दिलासा मिळाला आहे. यापूर्वी पदभरती ही दहावी, बारावीच्या गुणांवर होणार होती. त्याविरोधात शेकडो विद्यार्थ्यांनी नाराजी व्यक्त केली होती.

राज्य सरकारने आरोग्य विभागातील १७ हजार पदांसाठी भरती प्रक्रिया गुणवत्तेनुसार (दहावी, बारावी, पदवीच्या गुणांवर); तसेच मुलाखतीद्वारे राबविल्यास राज्यात स्पर्धा परीक्षांची तयारी करणाऱ्या असंख्य उमेदवारांना संधीच मिळणार नसल्याचे समोर आले होते. दहावीच्या ‘बेस्ट ऑफ फाइव्ह’ निकालामुळे आणि बारावीच्या वाढलेल्या गुणांमुळे अनेक स्पर्धा परीक्षांचे विद्यार्थी मागे पडणार आहेत. त्यामुळे या भरतीला स्पर्धा परीक्षांची तयारी करणाऱ्या विद्यार्थ्यांकडून तीव्र विरोध झाला होता. ही भरती परीक्षा घेऊनच पार पडली पाहिजे, या पदांसाठी विद्यार्थी तीन ते पाच वर्षांपासून तयारी करीत आहे, भरती प्रक्रियेत दहावी आणि बारावीच्या गुणांचा विचार केल्यास खूप कमी विद्यार्थ्यांना फायदा होणार आहे. मात्र, ही भरती परीक्षा घेऊनच पार पडली पाहिजे, अशी भूमिका विद्यार्थ्यांनी मांडली.

पदभरतीच्या पन्नास टक्के जागा एका महिन्याच्या आत भरणार

अखेर विधिमंडळ अधिवेशनात टोपे यांनी या भरतीबाबत सभागृहाला माहिती दिली. ‘करोनामुळे लॉकडाउनची परिस्थिती असल्याने पदभरती मेरिटनुसार घेण्याचा विचार होता. मात्र, आता राज्यात सर्व क्षेत्र खुले होत असल्याने, एकूण पदभरतीच्या पन्नास टक्के जागा एका महिन्याच्या आत परीक्षा घेऊन भरणार आहे. रोस्टर तयार करण्यासाठी आठ ते पंधरा दिवसांचा कालावधी जाईल. त्यानंतर पदभरती प्रक्रियेला त्वरित सुरुवात होईल,’ अशी माहिती टोपे यांनी दिली.

मेरिटनुसार पदभरती का नको ? 

राज्यात दहावीची परीक्षा मार्च २०१०पूर्वी उत्तीर्ण होणाऱ्या विद्यार्थ्यांचे परीक्षेतील पूर्ण सहा विषयांचे गुण ग्राह्य धरण्यात येतात. त्यानंतरच्या शैक्षणिक वर्षात उत्तीर्ण होणाऱ्या विद्यार्थ्यांचे ‘बेस्ट ऑफ फाइव्ह’नुसार म्हणजेच एकूण विषयांपैकी पाच विषयांमध्ये मिळालेल्या चांगल्या गुणांच्या आधारे एकूण गुण जाहीर होतात. त्यामुळे नोकरीसाठी प्रविष्ट होणाऱ्या विद्यार्थ्यांच्या दहावीच्या गुणांमध्ये तफावत निर्माण होते. या तफावतीत सर्वाधिक नुकसान २०१०पूर्वी दहावीची परीक्षा उत्तीर्ण होणाऱ्या विद्यार्थ्यांचे होणार आहे. त्याचप्रमाणे बारावीच्या प्रश्नपत्रिकांच्या आराखड्यात बदल केल्याने अनेक विद्यार्थ्यांना चांगले गुण मिळाले आहेत. त्यामुळे सरळसेवा पदभरतीत किंवा आरोग्य विभागाच्या पदभरतीत दहावीच्या गुणांचा विचार केल्यावर, स्पर्धा परीक्षांची तयारी करणारे जुने विद्यार्थी मागे पडून त्यांचा दहावी व बारावीच्या गुणांचा टिकाव लागणार नाही. त्यांना सरकारी नोकरी मिळण्याची शक्यता नाही.

10 thoughts on “Arogya Vibhag Bharti 2021”

Leave a Comment

सरकारी नोकरी अपडेट्स व्हाट्सप्प वर मिळवा..